Almatyda laı basyp qalǵan úıdiń ornynan qaza bolǵan barlyq tórt adamnyń denesi shyǵaryldy. Bul jóninde tótenshe jaǵdaı mınıstrligi habarlady.

Buǵan deıin departament 2007 jylǵy eki er balanyń denesi shyǵarylǵanyn habarlaǵan edi. Keıinnen úsheýiniń denesi tabylǵany belgili boldy.

"Qazir úıindini arshý jáne laıdan tazartý jumystary júrip jatyr. Oǵan ótkir zattar, áınek, armatýra jáne ózge de zattar aralasqan balshyqtyń kóptigi, úıge kirý jolynyń tar bolýy, tehnıkany paıdalaný múmkindiginiń joqtyǵy kedergi keltirip otyr", dep jazdy departament ókilderi.

Qazirgi ýaqytta jeke turǵyn úıdi laıdan tazartý jáne adamdardy izdeý jumystary júrgizilip jatyr. 182 maman men 32 tehnıka jumyldyryldy. Jedel medısınalyq járdem brıgadalary da sonda.

– Týystary men kórshilerine shuǵyl psıhologıalyq kómek kórsetildi. Almaty qalasy TJD jáne respýblıkalyq jedel-qutqarý jasaǵynyń kúshterimen topyraqtyń laılanýyna baılanysty tehnogendik sıpattaǵy laı kóshkini ǵımaratty zaqymdaǵan. Sonyń saldarynan aldyn ala qaza tapqan er adamnyń denesi tabyldy. İzdeý-qutqarý jumystary jalǵasýda. Aqparat tolyqtyrylady, – delingen habarlamada.