«Búginde jaqsylyqty jurtqa aıtsań – jaqpaısyń, qaıyrymdylyq – kórsetpeı jasaıtyn tirlik»  dep kópshilik synǵa alady. Al úlgi bolarlyq isti nasıhattaý – kimge bolsa da paryz is bolmaq. Kásipker, bıznes-trener, búginde halyq arasynda motıvatorlyq oratar esebinde keńinen tanymal Amanjol Rysmendıevtiń bul jaqsylyǵy el-jurtty tánti etti. 

Raıymbek Talǵatuly – jastaıynan júrek dertine shaldyqqan.  Júregi elektr qýatymen jumys jasaıdy. Aýyldy jerde tura almaı, jaryq sónse ómirine qaýip tónetin jas jigittiń bar armany – bir bólmeli páter edi. Mán-jaıdy tolyq túsingen kásipker oılanbastan iske kirisken.

Oral qalasynan densaýlyǵyna baılanysty kómek surap habarlasqan baýyrynyń betin qaıtarmaı, baspanaly bolýdy armandaǵan órimdeı jas jigittiń armanyn Amanjol Rysmendıev bir sátte oryndap, úlken alǵysqa bólendi.

Bul azamattyq isimen «zamannan meıirim men jaqsylyq ketti, adamgershilik joǵaldy» degen uǵymǵa qarsy shyǵyp, naǵyz erdiń bar ekenin dáleldep berdi. Qıyndyqqa tap bolǵan baýyryna páter syılaý arqyly Allanyń ǵana emes, sol jigittiń anasynyń da alǵysyn alǵan kásipkerdiń bolashaqqa  jospary kóp.  Ol eń bastysy bul jaqsylyǵy – kópshilikke úlgi bolsa eken deıdi. Adamnyń kúni adammen bolǵandyqtan, áli talaı qaıyrymdylyqpen aınalysyp, jaqsylyq jasaýdan jarysýdy usynady.

Amanjol Rysmendıev sıaqty eldiń erteńin oılaǵan, naǵyz azamat, irilik pen márttikti tý etken, jomart jandar kóp bolsa eken deımiz.

Usynǵan: Gúlim Jaqan