Azamattyq avıasıa komıteti «Eır Astanany» Nur-Sultan – Tokıo – Nur-Sultan baǵytyndaǵy reısterdi oryndaýǵa bekitti. Bul týraly Qamshy.kz aqparat agenttigi Azamattyq avıasıa komıtetiniń Facebook-tegi paraqshasyna silteme jasap habarlaıdy. 

Vedomstvoda habarlanǵandaı, Qazaqstan Respýblıkasy Tuńǵysh Prezıdentiniń 2019 jyldyń 30 qańtarynda ótken QR Úkimetiniń keńeıtilgen otyrysynda bergen tapsyrmasyna sáıkes, QR IIDM Azamattyq avıasıa komıteti «Eır Astana» áýe kompanıasyn Nur-Sultan – Tokıo – Nur-Sultan baǵytyndaǵy turaqty reısterdi oryndaý úshin Qazaqstan Respýblıkasynyń áýe tasymaldaýshysy retinde bekitildi.

Bul rette, elimiz ben Japonıa aralyǵyndaǵy tikeleı reısterdi ashýdyń quqyqtyq negizi 2016 jyldyń qarasha aıynda qalyptasqanyn aıta ketken jón. Oǵan sáıkes, Qazaqstan men Japonıa áýe kompanıalarynyń ár taraptan aptasyna 14 reıske deıin oryndaý múmkindigi bar.

2019 jyldyń ekinshi jartysynda «Eır Astana» áýe kompanıasy Tokıoǵa tikeleı reıster ashýdy josparlap otyr. Ushý jıiligi aptasyna 2 reıs Boeing 767 ushaǵymen oryndalady.

Usynǵan: Gúlim Jaqan