Elordada 9 jasar qyz pedofıldiń qurbanyna aınaldy. Oqıǵa tapa-tal túste oqýshynyń óz úıinde bolypty. Qaskúnem sabaqtan shyqqan jasóspirimniń izine túsip, páterine deıin ańdyp barǵan. Ol aram oıyn júzege asyrý úshin túrli qıturqy áreketterge júginipti. Qarshadaı qyzǵa aıýandyq jasaǵan adamǵa sot qandaı jaza kesti? Jalpy qylmys qalaı jasalǵan? Bul týraly Qamshy.kz aqparat agenttigi Eýrazıa birinshi arnasynyń deregine súıenip habarlaıdy.
Qarshadaı qyzdy zorlady dep aıyptalǵan er adam 52 jasta. Otbasyly ári orta kásibı bilim alǵan. Sottalǵanǵa deıin kran júrgizýshisi bolyp jumys istepti. 2006 jyly dál osyndaı qylmys jasap, túrmege túsken eken. 2018 jyldyń kúzinde jazasyn ótep shyqqan ol, eki aı ótpeı jatyp burynǵy ádetine qaıta basqan. Ańdyp júrip, mektep oqýshysyn zorlaǵan. Qylmysy tolyq dáledengen sot ony 17 jylǵa bas bostandyǵynan aıyrdy.
«Sot Qazaqastan Respýblıkasy Qylmystyq kodeksiniń baptaryna súıene otyryp úkim shyǵardy. Nurmaǵanbetov Qaırat Ahmetjanuly QR Qylmystyq kodeksiniń 121 babynyń 4-tarmaǵy boıynsha qylmys jasaǵany úshin aıypty dep tabylsyn. Oǵan 17 jyl bas bostandyǵynan aıyrý jazasy taǵaıyndalsyn!» - deıdi qalalyq qylmystyq ister jónindegi mamandandyrylǵan aýdanaralyq sotynyń sýdıasy Qajymuqan Mekemtas.
Sýdıa atap ótkendeı, qaskóı shala mas kúıde qyzdyń sońynan úıine deıin erip barǵan. Esik ashylǵan soń, ishke birge enip 9-qabatqa kóterilgen. Úıde kim bar ekenin bilý úshin, qońyraýdy basqan. Esik ashqan qyzdyń anasyn kórgen ol, páterdi shatastyryp alǵanyn aıtyp, 8-qabatqa túsken. Áıel jumysqa ketken soń, esikti qaıta qaǵyr, jetkinshekke ózin santehnıkpin, qubyrlardy jóndeý kerekpin dep aıtqan. Osylaı páterge kirgen ol, aram oıyn júzege asyryp, taıpy turǵan. Kinási tolyq dáledense de, alaıda, sotta kinásin moıyndamaıtynyn aıtty.
«Men bárin muqıat tyńdadym. Biraq, úkimmen kelispeımin. Ótken sotta maǵan taǵylǵan aıyptardy moıyndamaıtynymdy aıtqanmyn. Kóptegen dálelder úılespeıdi. Osy joly ádil sheshimge úmittengen edim».
Al, jábirlenýshi taraptyń advokatynyń aıtýynsha, qylmyskerdiń qurbany bolǵan qyz jaqyn tbolǵandyqtan úıinen mektepk ejaıan baryp júrgen. Qazirgi tańda jaǵdaıy turaqty bolǵanmen, qatty shoshyp qalǵan. "Sondyqtan, psıhologtardyń kómegine áli de muqtaj" deıdi qorǵaýshysy.
"Qazirgi tańda jasóspirim mektepke baryp, sabaǵyn oqyp júr. Biraq, psıhologıcheskıı árıne zardap keldi oǵan. Óıtkeni, endi jasy kelgen adam osyndaı seksýaldyq is-áreket jasaǵannan keıin lúboı adamnyń ol mıynda qalyp ketetin nárse», dep aıtty jábirlenýshiniń advokaty Nurlan Pernebekov.
"Bul joly sot úkimi tek 17 jylǵa túrmege qamaýmen ǵana shekteldi. Qylmyskerge hımıalyq kastrasıa jasaý týraly úkim shyqqan joq. Sebebi, sot ekspertteri saraptamalarynan soń sottalýshynyń kastrasıaǵa qarsy kórsetkishteri bar ekeni anyqtalǵan".
«Ekspertter jańaǵy ózderi sóılesedi analız, beseda isteıdi. Sonyń bárin istep, budan keıin ol qylmys taǵy da isteı me, istemeı me degen sıaqty olardyń psıhologıcheskıı sıstemasyn anyqtap, sondaı sheshimge keldi. Hımıalyq kastrasıa qoldanýǵa bolmaıdy dep. Bundaı adamǵa hımıalyq kastrasıa qoldaný kerek edi», - dedi jábirlenýshiniń advokaty Nurlan Pernebekov.
Hımıalyq kastrasıa demekshi, elimizde kámeletke tolmaǵandarǵa azǵyndyq jasaǵan 88 pedofıldi pishtirý úshin bıyl búdjetten qarjy bólinipti. Bul jaıly Densaýlyq saqtaý mınıstrligi habarlady. Al, byltyr sot sheshimimen eki sottalýshyǵa kastrasıa taǵaıyndalǵan Biraq, áli eshqaısyny jasalmapty. Qylmyskerler Jambyl jáne Pavlodar oblysytaryndaǵy túrmelerde jazasyn ótep jatyr eken.
Usynǵan: Nazerke Labıhan
