Máskeýge kelgendegi negizgi sharýa Dımash baýyrymyzǵa qoldaý kórsetip jankúıer bolý edi. Álemniń túkpir-túkpirinen Dımashty izdep kelip júrgen jankúıerlerdi kórip júrmiz ǵoı, myna turǵan jerden jete almaǵanymyz uıatty dedik. Keldik, kórdik, súısindik! Dalada ary-beri júgirgen orystardyń "Dımashtyń konsertine bılet bar ma?!" dep qapylyp júrgenin kórdik. Qyzyl alańdy qorshaǵan qyzyl ásker Dımashtyń konserti úshin qyzmet qylǵanyn kórdik. Kremldiń aýzy murnynan shyqqan xalyq qazaqtyń ánine qosylyp turǵanyn kórdik. Qytaı, aǵylshyn, túrikterdiń "Daıdıdaýdy" tyńdap jylaǵanyn kórdik. 6 myń xalyqtyń bizdiń dombyranyń únine tik turyp qol soqqanyn kórdik. Igor Krýtoı, Anıta Soı bastaǵan dúldúlderdiń Dımashqa qurmet kórsetkenin kórdik. Imanǵalı aǵamyz bastaǵan el azamattarynyń Dımash úshin marqaıyp turǵanyn kórdik. Konsert bitken soń da 1 saǵat boıy tarqamaı turyp alǵan xalyqty kórdik. Ensesi bıik xalyq ulymyzdyń aldynda eńkeıip turdy! Álemge aty ketken barmaqtaı balamyz úshin kózimizge jas keldi..!Táýbe" dedik ishimizden.. Til kózimiz tasqa dedik.. Qazaqtyń baǵyna bitken qarshadaı balaǵa Allam óziń qorǵan bola kór dep duǵa qyldyq.

Appaq bolǵan baladan aınaldyq!
Seni týǵan anadan aınaldyq!

 Jerdi jarǵan daýysyńnan aınaldyq!
Eldi oıatqan namysyńnan aınaldyq..!

Súp-súıkimdi túrińnen aınaldyq!
Baldan tátti tilińnen aınaldyq!

Elge degen tilegińnen aınaldyq!
Judyryqtaı júregińnen aınaldyq!

Jasaı ber qazaqtyń balasy!!
Jasaı ber Dımash!!!

Aınur Tursynbaevanyń Facebook paraqshasynan

Usynǵan: Farıza Jomartqyzy