Aqparat jáne qoǵamdyq damý mınıstrligi jelide qazaqstandyqtardyń tegine mindetti túrde "Nur" sózi qosylyp jazylady degen habarlamaǵa qatysty túsinikteme berdi, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp. 

Aıta ketsek, búgin WhatsApp messendjerinde taraǵan gazette jarıalanǵan maqalanyń sýreti qazaqstandyqtardy biraz shýlatty. Maqalada ındýstrıa jáne sıfrlyq damý mınıstrliginiń qaýlysyna sáıkes, qazaqstandyqtar 2019 jyldyń 1 sáýirinen bastap tegine "Nur" sózin qosyp jazýǵa mindetteledi dep jazylǵan.

"Iaǵnı, Ahmetov – Nur-Ahmetov, Ivanov – Nur-Ivanov, Kım – Nur-Kım bolady jáne taǵy basqa", - delingen materıalda.

Aqparat jáne qoǵamdyq damý mınıstrligi gazette basylǵan maqalanyń 1 sáýir – Kúlki kúnine arnalǵan ázil-qaljyń ekenin habarlady.

"Bul jalǵan aqparat. Máselen, materıalda ındýstrıa jáne sıfrlyq damý mınıstrliginiń qaýlysyna silteme jasalǵan. Qazaqstanda mundaı mınıstrlik joq ekenin sizder jaqsy bilesizder", - dedi mınıstrliktiń baspasóz hatshysy Aıjan Mýsınova.

Ekinshiden, onyń aıtýynsha, maqalada belgisiz bireýdiń sózi keltirilgen.

"Eger naǵyz qaýly bolsa, onda túsindirmeni memlekettik organnyń naqty ókili beretin edi, nemese kem degende óz aty-jónin, laýazymyn kórseter edi. Úshinshiden, materıaldyń astynda derekkóz – "birinshi sáýirdegi Shýchınsk" dep kórsetilgen, ıaǵnı bul birinshi sáýirge arnalǵan ázil ekenin túsinýge bolady", - dedi Mýsınova.

Usynǵan: Ásel Bolatqyzy