«Eır-Astana» kompanıasynyń ókilinen «Nur-Sultan-Almaty» reısiniń ushaq bortynda tártip buzǵan er adam týraly habarlama túsken. «Nur-Sultan-Almaty» reısinde shý shyǵarǵan qytaılyq azamat ushaqtan túsirildi. Bul týraly Kóliktegi polısıa departamentiniń baspasóz qyzmetinen málim etti, dep habarlaıdy Qamshy.kz aqparat agenttigi.

Anyqtalǵandaı, elorda áýejaıynda ornalasqan jelilik polısıa bólimshesine «Eır-Astana» kompanıasynyń ókilinen «Nur-Sultan-Almaty» reısiniń ushaq bortynda tártip buzǵan er adam týraly habarlama túsken.

«Kólik polısıasy tekserý barysynda Qytaı Halyq Respýblıkasynyń 40 jastaǵy azamatyn anyqtady. Er adam mas kúıinde ózin dóreki ustap, bortserikterdiń eskertýine qulaq aspaǵan. Jolaýshylardyń mazasyn alǵan. Mán-jaıdy anyqtaý úshin jolaýshy reısten túsirildi», - delingen aqparatta.

Quqyqbuzýshynyń ústinen QR Ákimshilik quqyqbuzýshylyq týraly kodeksiniń 440-baby boıynsha  ákimshilik  hattama toltyrylyp, 5 aılyq eseptik kórsetkish (12625 teńge) kóleminde aıyppul salyndy. 

Usynǵan: Maqpal Sembaı