Qazaq úshin «Alashtan» basqa ulttyq ıdeıa joq. Ony izdestirý ne qoldan jasaý qajet te emes – «Aq jol» partıasynyń tóraǵasy dál osyndaı pikirimen quryltaı delegattarymen bólisti dep habarlady partıanyń baspasóz qyzmeti Qamshy.kz aqparat agenttigine.

«Táýelsizdiktiń negizinde, qazaq halqynyń azattyqqa jáne memlekettilikke tarıhı umtylysy retinde «Alash» ıdeıasy jatyr» - dedi Perýashev.  «Aq jol» partıasy «Alash» ustanymyn Qazaq ulttyq ıdeıasy retinde qarastyrady, ózin onyń rýhanı izbasary dep biledi jáne memlekettik qurylysta, ekonomıka men rýhanı ómirde «Alash» ustanymdaryn nasıhattaıdy. Atap aıtsaq: parlamentarızm, básekelestik, resýrsty ultshylyq, jańǵyrtý, ashyqtyq, bilimdi jáne zaıyrly memleket. Osy ustanymdarǵa Azat Perýashev erekshe nazar aýdardy óz baıandamasynda.

Sonymen qatar, depýtat «Alash» ıdeıasy búkil halqymyzdyń ortaq murasy ekenin erekshe aıtty: «Biz «Alash» ıdeıasyn jalpy halyqtyq dep esepteımiz jáne ony júzege asyrýda basqa da qoǵamdyq kúshtermen birge atsalysýǵa daıynbyz. Bizdiń partıanyń da nemese basqa uıymdardyń da, «Alash» ıdeıasyna eshqandaı «aıryqsha quqyqtary» joq» - Perýashevtyń málimdegeni.

«Ózin qazaq dep sanaıtyń adam úshin, «Alash» ıdeıasy aýa men erkindik sıaqty týa bitken tól uǵym» - dep sendirdi «aqjoldyqtardyń» jetekshisi.

Usynǵan: Nazerke Labıhan