Vladıvostokta Reseı prezıdenti Pýtın men Soltústik Koreıa prezıdenti Kım Chen Yn kelissózder bastalyp ketti. Birinshi kezeńde memleket basshylary ońasha sóılesti.
Pýtın óz atynan Kım Chen Yndy perzıdenttik postqa qaıta saılanǵanymen quttyqtady. Reseılik kóshbasshynyń aıtýynsha, onyń bul kelýi eki el arasyndaǵy ıadrolyq máselelerdi sheshýge aıtarlyqtaı yqpal etedi jáne baılanystyń damýyn nyǵaıta túsedi.
Soltústik koreıalyq ıadrolyq máseleler men AQSH qarym-qatynasy jónindegi baǵyttar boıynsha Kım Chen Yn jasap jatqan jumystardy Pýtın qoldaıtynyn málimdedi.
Óz kezeginde Soltústik koreıalyq lıder de Káris jarty aralyndaǵy máseleler jóninde Pýtınmen pikir almasýǵa úmitti ekenin jetkizdi. Sondaı-aq, Reseı prezıdentimen bolǵan kelissóz nátıjesiz qalmaıtynyna senetinin qosa aıtty.
Kelissóz Rýsskıı aralyndaǵy Qıyr shyǵys federaldy ýnıversıtetiniń kampýsynda ótip jatyr.
Jeke áńgime-dúken aıaqtalǵan soń kezdesý keńeıtilgen formatta, eki el delegattarynyń qatysýymen jalǵasady.
Usynǵan: Ádilet Mádenıet
