Qazaqstandyq jýrnalıserdiń biri Ýkraınanyń jańadan saılanǵan prezıdentimen suhbattasyp, Vladımırden bizdiń el týraly pikirin surady dep habarlaıdy Qamshy.kz aqparat agenttigi Topsmi.me saıtyna silteme jasap.
- Vladımır, qazaqstandyq jýrnalıserge birer suraq qoıýǵa ruqsat etińiz. Siz Qazaqstanda bolǵansyz ba?
- Sálem, Qazaqstan! Eshqashan sizderdiń elderińizde bolmappyn, biraq 90-jyldary Máskeýde KVN Joǵary lıgasynda oınap júrgende qazaqstandyq azamattarmen jumys jasadym.
- Eger sizde múmkindik bolsa, Qazaqstannyń qaı qalasyna barar edińiz?
- Shynymdy aıtsam, men Almatyǵa barǵym keledi. Meni Almatyǵa shaqyryp, ol jerdiń sulýlyǵyn kórsetkisi kelgen jigitter boldy. Sizderde barlyǵy damyp jatyr. Estımin, ara-tura oqyp turamyn.
– Qazaqstandyqtardyń ómiri týraly pikirińiz qandaı?
- Birdeńe deý qıynǵa soǵady. Men jigitterden qalaı ómir súretinderin surap otyramyn. Olar ózderiniń elin súıedi jáne olarǵa barlyǵy unaıdy. Soǵan qaraǵanda, bári qanaǵattandyrady dep oılaımyn. Eger kóńilderinen shyqpasa, saılaý ótkizýshi edi. Óıtkeni, ondaı múmkindik bar ǵoı.
Durysy, bilmeıtin adamǵa basqa eldiń saıasatyn synaý qate dep sanaımyn.
- Ýkraına men Qazaqstannyń araqatynasy qalaı bolmaq?
- Eshkim jaǵa jyrtyspaıdy! (kúlip). TMD elderin bir-birimen baılanystyryp turatyn dúnıeler kóp ekenin túsinemin. Birinshiden, bizge mura bolyp qalǵan mádenı qundylyqtar ortaq. Ekinshiden, bizdiń qazaqtarmen ortaq taqyryptarymyz da, uqsastyqtarymyz da kóp.
Aýdarǵan: Ádilet Mádenıet
