Ortalyq komýnıkasıalar qyzmetinde volonterlik qozǵalysty damytý boıynsha qazvolunteer.kz fýnksıonaldyq onlaın-platformanyń tusaýkeseri ótti dep habarlaıdy Qamshy.kz aqparat agenttigi.

"Onlaın-platformanyń fýnksıonaldyq múmkindikteri volonterlerge jańa bastamalardy iske asyrýǵa, óz qyzmeti týraly aqparatty ashyq qol jetkizýge, jobalardy jáne is-sharalardy uıymdastyrýshylarǵa volonterler men volonterlik uıymdardy tabýǵa múmkindik beredi", - dedi Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Álıa Ǵalymova.

Qazvolunteer.kz onlaın-platformasy arqyly eldegi ótkizilgen jáne josparlanǵan is-sharalar t. b. týraly aqparattar alýǵa múmkindik bar.

Sondaı-aq, platformada ótkizilgen jumystyń qorytyndysy boıynsha volonterlerdiń reıtıńi qalyptastyrylatyn bolady.

Álıa Ǵalymovanyń aıtýynsha, Qazaqstandaǵy eriktiler azamattyq belsendiliktiń keń taraǵan formalarynyń biri bolyp tabylady.

Onlaın-tuǵyrnamany QR Aqparat jáne qoǵamdyq damý mınıstrligi "Ulttyq volonterler jelisi" ZTB-men birlesip ázirledi.

Aıta ketsek, qazirgi ýaqytta 200-den astam volonterlik uıym belsendi jumys isteıdi. Eriktiler qozǵalysymen 50 myńnan astam adam qamtylǵan.

Usynǵan: Ádilet Mádenıet