Reseıdiń joǵary oqý oryndarynda 70 myńnan astam qazaqstandyq stýdent bilim alýda dep habarlaıdy Qamshy.kz aqparat agenttigi Spýtnık portalyna silteme jasap.
"Jyl saıyn 12 myńǵa jýyq qazaqstandyq Reseıge oqýǵa túsedi", - dedi "Rossotrýdnıchestvo" jetekshisiniń orynbasary Pavel Shevsov.
"Rossotrýdnıchestvo" 450 orynǵa kvota usynady. Osy orynǵa 3 myńǵa jýyq adam ótinish tapsyrdy. Bul qazaqstandyqtar arasynda Reseıdiń joǵary oqý oryndaryna qyzyǵýshylyq bar ekenin kórsetedi",- dedi Pavel Shevsov.
Aıta ketsek, búgin elordada orys tili men ádebıeti oqytýshylary qaýymdastyǵynyń XIV halyqaralyq kongresi bastaldy. Jıynda "Kóptildi álemdegi orys tili" máselesi talqylanatyn bolady.
"Kongresti Nur-Sultan qalasynda ótkizý sheshimi qabyldandy. Bul Qazaqstannyń halyqtar arasyndaǵy beıbitshilik pen tatýlyqty saqtaý ustanymyn qoldaýdy bildiredi. Qazaqstandyqtar qazaq jáne orys tilderinde erkin sóıleıdi",- dedi "Rossotrýdnıchestvo" ókili.
Pavel Shevsovtyń aıtýynsha, Qazaqstanda rýsıstıkanyń erekshe mektebi qalyptasqan. Eleonora Súleımenova, Galına Vlasova, Sholpan Jarqynbekova, Nursulý Sháımerdenova, Tamara Kotlárova, Evgenıa Jýravleva, Tatána Krıvoshapova syndy fılologtar barsha álemge tanylǵan.
Orys tili men ádebıeti oqytýshylary qaýymdastyǵynyń alǵashqy kongresi osydan 50 jyl buryn ótken. Forým buǵan deıin birneshe elde uıymdastyryldy.
Usynǵan: Ádilet Mádenıet
