Almaty qalasynyń Ardagerler keńesi aldaǵy 9 mamyrda soǵys maıdanynda sheıit bolǵandarǵa taǵzym etý maqsatynda ótetin Jeńis kúninde saıası astary bar mıtıńiler ótkizý máselesine alańdap otyr, – dep habarlaıdy Qamshy.kz aqparat agenttigi.

"Biz estip-bilip otyrmyz. Bizge beıbit ómir syılaǵan Qasıetti Jeńis kúninde áldebireýler halyqty mıtıńke shaqyryp, el-jurtty dúrliktirýde. Bul ne degen bassyzdyq. bul ne degen ata-baba rýhyn qorlaý, syılamaǵandyq. Halqymyzda, qazaqta mundaı nadandyq eshqashan bolǵan emes.

Bizdiń barlyq arandatýshylarǵa aıtarymyz bireý. Biz batyr babalarymyzdyń qanymen kelgen qasıetti jeńis kúnin, ardagerlerdiń rýhyna taǵzym etý kúnin saıası másele alańyna aınaldyrýǵa jol bermeımiz. Barlyq azamattardy jeńis kúninde bos baıbalam salatyndarǵa ermeı uly jeńistiń 74 jyldyǵyn el bolyp atap ótýge shaqyramyz.

Qazaqstan Respýblıkasynyń ishki ister organdaryna 9 mamyrda jer-jerlerde ótetin merekelik sharalarda azamattardyń qaýipsizdigin saqtaýdy talap etemiz!" – dedi Almaty qalasy Ardagerler keńesiniń tóraǵasy E. Shaıhýtdınov.

Usynǵan: Ádilet Mádenıet