Bizdiń mınıstrler men ákim-qaralardy, joǵarǵy jáne tómengi sanattaǵy sheneýnikterdi qarapaıym bazarlardan, saýda ortalyqtarynan nemese  qoǵamdyq kólikterden kezdestirip kórdińiz be?Kezdestire qalsańyz ne aıtar edińiz? Kókeıińizge maza bermeı júrgen máselelerdi tótesinen qoıar ma edińiz? Álde «gólf» oınaýǵa shaqyrasyz ba?

Keıde osy bizdiń sheneýnik kókelerimiz ózge bir ǵalamshardan kelgen adam sekildi áser qaldyratyny jasyryn emes. Áıtpegende, halyqtyń qalaýlysy ǵoı. Halyqtyń sózin sóıleýge mindetti emes pe?

Sýdan ótkenshe qazaqty «qaıyq» etip, jaıly orynǵa jaıǵasqan soń, jaǵdaı suraýǵa jarymaı qalatyndar bar ǵoı. Iá, bundaıda qazaq «qazany bólektiń – qaıǵysy basqa» demeýshi me edi?!

Áıtpese bul ákim aıtar sózbe edi? Sonymen sheneýnikterdiń shetten shyqqan sózderine qulaq túrelik.

Esimov birinshi jyl ákim bolyp otyrǵan joq. Almatyny baqandaı 7 jyl basqaryp keledi. Almatylyqtardyń jaǵdaıyn bes saýsaqtaı biletin birden-bir adam osy – Esimov emes pe?

Ahmetjan Esimovtiń «hıt» sózderi:

1. «Almatylyqtardyń sportqa jany qushtar. Olar ár senbi Tikushaqpen taýǵy ushyp baryp, shańǵymen syrǵanaıdy. Sosyn gólf oınaýǵa barady!»
2. «Almatynyń qaryn kúremeı-aq, qoıý kerek. Ózi erip ketedi».
3. «15 jeltoqsanda qalada bolǵym kelmeıdi. Sondyqtan syrtqa shyǵyp ketem. Biraq kelesi joly, sol týǵan kúnimde qalada bolmasam da, 16-shy jeltoqsanda mindetti túrde qalada bolam»
4. «Men áli áıelimniń úıinde turamyn. Mende de úı joq».

Aınalaıyn, Ahmetjan-aý, tikushaqpen taýǵa shyǵyp, shańǵymen tómen syrǵanap, artynan gólf oınap júrgen qaı almatylyqty kórdińiz? Biz jerdemiz. Qoǵamdyq kólikpen júremiz. Sizder sekildi, velosıpedpen qydyryp, qymbat gólf kordttarynda oınamaımyz. Biz órtengen bazarda ólmestiń kúnin keship júrgen qara halyqtyń ókilimiz...

Korporasıa basshysy. Azyq-túlikke jaýapty sheneýnik Rýslan Azımovty umytpaǵan bolarsyz?

1. «Nan baǵasynyń qymbattaýyna bola qara aspandy tóndirýdiń esh qajeti joq. Bul bar bolǵany  bir shısha salqyn syranyń baǵasy ǵoı».

Bilim jáne ǵylym mınıstri Aslan Sárinjipovti bilmeıtin adam joq shyǵar,á?. Asekeń kúlkili málimdeme jasaýdyń sheberi ǵoı. Esterińizde bolsa, ol Reseıdegi bir jıynda aıdy aspannan bir-aq shyǵarǵan.

1. «Qazaqstan mektepterinde áli joq mamandyqtarǵa daıarlap jatyr»

«QazǴaryshtyń» agenttiginiń basshysy Talǵat Musabaev ózinen suhbat almaqshy bolǵan jýrnalıspen tóbelespekshi boldy.

1. «Ne tursyń? Idı na h.. otsúda! Jyndyma mynaý? Meniń basyma shyq onda. Sen kimsiń maǵan qaıda turý kerektigin kórsetetin?»
2. «BizReseıdiń Baqońyrda máńgi qalǵanyn qalaımyz!»

TJM burynǵy basshysy, qazirgi İİM orynbasary V.Bojko myrza tıyn sanap qalypty.

1. «Biz korporatıv qurýǵa 12 myń teńgeden jınadyq. Men 15 myń teńge berdim. Ázirge qalǵan aqshamdy (sdacha)qaıtarǵan joq»
2. «Sý tasqynynyń negizgi sebebi – jahandyq jylyný. Buǵan ekologıa kináli!»

Jurtty kúldirip júretin sheneýnikterdiń qatarynda Ermuhamed Ertisbaev ta bar.

1. «Qazaqstandyqtarydń 80 paıyzy eýrazıalyq  ıntegrasıany,  sonyń ishinde Reseı federasıasymen jasalyp jatqan ıntegrasıany qoldaıdy»
2. «Prezıdent komandasyndamyn. 18 jyl boldy»

Tımýr Qulybaev tyńnan túren salǵandaı málimdemejasaýdyń sheberi-aq. Biraq kóp jaǵdaıda jurttyńkúlkisine qalyp júredi.

1. « Jańaózendegi ereýilge shyqqan munaıshylar negizinen oralmandar!» (Alaıda, resmı qujattarda birde-bir oralman ereýilge qatyspaǵan dep kórsetilgen.)

Májilis depýtaty Samıǵolla Orazov ta qolapaısyz málimdeme jasaýǵa qumarlar qatyrynan tabylyp júr.

1. «Olarlamndarǵa qatysty aıtarym, sany bar-sapasy joq bolyp tur qazir»

Aıtpaqshy, olardy izdep áýre bolmańyz. Siz bári-bir olardy bazarlardan, qoǵamdyq kólikterden keziktire almaısyz. Olar ózgeshe.  Óıtkeni olardyń ishinde Qazaqstannyń táýelsiz ekenin, álemdegi bar qazaqtyń jalǵyz Otany – Qazaqeli ekenin bilmeıtinderi bar…

Nurgeldi Ábdiǵanıuly