Tobylǵy sapty ómiri tekke ótti-aý. Ne tapty? Ne berdi? Jaýapsyz qalǵan suraq. Taǵy da únsizdik. Alasapyran zamannyń aǵysymen júzem dep basyn bylaı da, bylaı da soqty. Aıaǵynda, qara jerge kúnáli denesin tapsyrdy máńgilikke...

Aqbaqyt búgin kúndegisinen erte turdy. Ústine eshteńe ilmesten, túndegi jynoınaqtan qalǵan syrany qylqyldatty-aý kelip. Sóıtip, jaqyndap balkonǵa shyǵyp, ishtegi otty temekiniń tútinimen odan ári laýlatty, ol óshirmek oıy edi. Syrttan bir núktege kóp qarady. Kúıgen tirshilik, jan baǵýdyń qamy. Aýzyna jınalyp qalǵan qaqyryqty jınap, jerge qaraı shyrt etkizdi. Úıge qaıtadan kirip qyz ekeni esine tústi me, aýzyn ysqylap, betin salqyn sýmen qaıta-qaıta shaıdy. Aınaǵa qarap edi, betindegi sýmen birge ókinish, kúıinish kóz jasy tamshylaı ketti, eki tizesin qushaqtap buryshta óksip jylady. Shyntýaıtynda, Aqbaqyt qoıý qara shashty, qara kózdi, oń jaq betinde týylǵaly qudaı salyp bergen kishkentaı ǵana meńi bar, eki anary úrpıgen, aryqsha kelgen, sulýlyǵyna kóz súrinetindeı keremet tulǵaly arý. Kishkentaı kezinde barlyǵy «meńdi qyz» dep ataıtyn. Áttegen-aı, kúndegi ómiri bir-birinen aınymaıdy. Bar tapqany ómir súrýine, jan baǵýyna ázer jetetin. Bir kezde áneý kúni esimi esinde joq bir jigit ápergen uıaly telefony shyr ete tústi.

- Alo?

- Alo, zdrastvýıte, eto Baha?

- Da…

- Eto Sergeı, segodná vecherkom svobodna?

- Ný, kak by, da.

- Togda na vecher plany ne stroı.

- Horosho tolko, predoplatý srazý, cherez chas v Han shatyr prınesesh, ok?

- Vse, do vstrechı.

Kúnige kelip túsetin qońyraýlar jaýaby osylaı. Ústine ótirik jyltyryn, baryn ilip alyp qala ortalyǵyna tartty. Adam sıaqty qashan ystyq as ishkeni esinde joq. Tamaqtanaıyn dep bir asqanaǵa kirse, ishinde adamdar az kórinedi. Tamaqqa tapsyrys berdi de, sońǵy orynda otyrǵan jas jigit qarap otyrǵandyǵyn elemegen bolyp, uıaly telefonyn shuqylap otyr. Bir kezde jigit bar namysyn jınaǵan bolýy kerek, kelip qyzdyń qasyna otyrdy.

- Tanysyp qoımadyq pa, qaryndas?

- ............(Únsizdik)

- Meniń esimim Talǵat, aýyldan keldim. Astananyń sulýlyǵy keremet eken, ıá?

- Keremet bolsa, sonymen tanyspaısyń ba?

- Jo-oq, siz ózi tik minezdi ekensiz ǵoı. Aýylda asaý taılardy úıretkenge birinshi meni salatyn. ha ha ha

Qyz da kúlip jiberdi...

Ekeýi biraz áńgimelesti. Aqbaqyt ózi de aýyldyń qyzy edi, áńgimeleri jarasa ketti. Jastardyń qalasy – Astanany aralap, ýaqyttyń qalaı ótkenin baǵamdaı almaı qaldy. Esine birdeńe túskendeı selk ete tústi, baǵanaǵy klıent esinen shyǵyp ketipti. Telefonyn qarasa qanshama qońyraý, sms habarlamalar. Asyǵys «meniń ketýim kerek» dep júgirip ketti. «Aýrý qalsa da ádet qala ma», aýylda talaı syrttan keletin qyzdardy ańdyp úırengen Talǵat qyzdyń sońyna tústi. Bar oıy meken-jaıyn bilip alý edi. Bir kezde qymbat kólikten, kózine qara kózildirik taqqan er jigit kútip alyp mashınasyna otyrǵyzdy. Muny kórip baǵanaǵy laýlap otalǵan sezim otyna bireý muzdaı sý sepkendeı áserde qaldy. Sanasyn ýlap, basyna kelgen sansyz áńgúdik oılar Talǵatty sonaý sezim tumanynda adastyryp bara jatqandaı edi. «Múmkin, bul Aqbaqyttyń aǵasy bolar? Iá, ıá, jigiti bolsa baǵana menimen tanyspaýshy edi ǵoı?!»

Múmkin jigiti...

Bir sátte laýlaǵan sezim alaýyn jaı ǵana óshirgisi kelmegen-tin. «Iá, aǵasy» dep kósheniń boıymen quldılaı berdi. Erteńgi kúni Aqbaqyt úshin erekshe kún boldy. Tańsáride tursa uıaly telefonyna sms habarlama kelgen eken. Qarasa kúndegisinen ózgeshe sóılemder. Bar jazylǵany «tereze jaqtaýyna qarashy» degen jazý eken. Onyń ózi qate-qate jazylǵan, bar orysshasyn salǵan-aý, sirá, Talǵat. Tereze jaqqa shyǵyp qarasa, «Aqbaqyt men seni súıem» dep, boıap turyp jazyp ketipti. Muny kórgen Aqbaqyttyń júregi birde soǵyp, birde toqtaǵandaı, mundaı sát bul kúnáli perishtede buryn sońdy bolmaǵan edi. Talǵat pen Aqbaqyt sol sátten bastap qyz ben jigit sıaqty qol ustasyp birge júretin boldy. Birge ótkizgen árbir kúnderin ómirleriniń sońǵy sátterindeı ótkizetin edi, ǵashyqtar júrekteri bir arnaǵa toǵysty. Kúnder bir toqtamaq emes. Baıaǵy qaraly telefonyna qońyraý keldi. Aqbaqyt sol tórtburyshty qorapsha yzyldaǵan saıyn, Talǵatqa degen aıanysh sezimi, údeı túsip, jaýap bergesi kelmeıtin sońǵy kezderi. Qaıta-qaıta jalǵaǵan soń, aqyrynda Talǵattan alshaqqa baryp uıaly telefonǵa ún qatty.

          - Alo

          - Alo, qulynym, senbisiń? Men seniń anańmyn ǵoı, qalyń qalaı, habarsyz ketkeniń ne? Ana júregim seni oılaýdan, óz dúrsilin toqtatqandaı. Jaýap bershi botam.

          - Maam (Jylap jiberdi) mende bári jaqsy, mamashym. Ózderiń qalaısyńdar? Qaısar, Káýsár qalaı?

          - Balam... (únsizdik)

          - Ne bolyp qaldy anashym?

          - Qaryndasyńnyń... júregine kúrdeli ota jasalýy kerek. Qazir sol jaıtpen astanaǵa kele jatyrmyz, jetken soń habarlasarmyz.

          - Jaqsy anashym, kelgen soń kútip alamyn.

          Aqbaqyt ne aıtyp, ne qoıǵanyn ózi ańǵarmaı «kútip alarmyn, kútip alarmyn» dep qaıtalaı berdi.

          Aqbaqyt anasyn kútip ala salysymen, úıine, negizinde tozaq mekenine aınalǵan qapasqa ákeldi. Talaı jynoınaq bolǵan orynǵa óziniń aq sútimen aýyzdandyrǵan aq perishtesin ákelip ornalastyrý – oǵan bul pánıdegi jazanyń eń aýyry edi. «Anashym ana jerge otyrma, mynda otyrma» degen sózderge jıi aýyzy baryp qoıady.

          - Anashym, aq mamam sol, qatty saǵyndym seni, ısińdi saǵyndym. Barlyq jasaǵan qatelikterim úshin keshirshi meni. (jylap jiberdi)

          - Qoı, jylama botam, sen aman júrseń bolǵany. Men qalaı óz qolymdy ózim keseıin.

          - Káýsárdiń jaǵdaıy qalaı? Aryqtap ketken be? Kelshi qasyma, janym sol. Neshinshi synypta oqısyń?

          - Jetinshi synypty bitirem bıyl.

          - Oı, boı jetip qalypty ǵoı!

          - Iá, osy Káýsar týylǵanynan áljýaz bolyp dúnıege keldi. Ákeń dúnıeden qaıtqannan keıin, qaıǵydan meniń omyraýymda sút joq, aıynan qoldan aýyzdandyryp júrdim. Mine aıaǵynda Alla osyndaı synaq berdi. Qaıtemiz, kónemiz de. (Jylap jiberdi)

          - Jylamashy, anashym, emdelýge qansha ketse de, men tabamyn. Áli-aq,  saýyǵyp, uzatý toıynda jylap turatyn bolamyz. Anashym meniń...

          Anasy men Aqbaqyt ekeýi túni boıy bar syrlaryn bólisip, tańnyń qalaı atqanyn ańǵarmaı qaldy. Anasynyń joldan sharshap kelgen soń «myzǵyp alyńyz» dep anasyn uıqtatyp, ózi tańǵa deıin kóz ilgen joq. Qaraly oıdyń tuńǵıyǵyna súńgı berdi, súńgı berdi. Sheti joq, shegi joq syńaıly. Bar oıy kók qaǵaz. Qalanyń adamdy jeıtin tirliginde qalaı aqsha tapsam eken degen oı mazalaı berdi, jegideı jedi.

          Tańerteńgisin anasy men qaryndasyn aýrýhanaǵa jatqyzyp, ózi Talǵatpen kezdesýge ketti. Qazirgi sátte saýlaǵan sheshýi qıyn máseleler talap-jegisi kelip turǵan Aqbaıandy túsinetin jalǵyz jan Talǵat. Jigitke  sińlisi týraly oqıǵany baıandap bergen soń, Aqbaqyt úıine qaıtty.

          Osydan eki jyl buryn Aqbaqyttyń birinshi qyz keıpinen aıyrǵan bir aýqatty azamat bar edi. Basqa amaly joq sonyń esigin telmirýge týra keledi. Telefonyn qoparyp, nómirin taýyp aldy. Kezdesý ornyn daıyndap, Asqar esimdi bıznesmen kezdesýge keldi.

          Asqardyń buryn Aqbaqyttan kóńili bar bolatyn, anandaı aqsha báske tigilip turǵan soń, ol aýzyna kelgenin aıtyp, qalaǵan buıymtaıyn surady. Sondaǵysy aptasyna eki ret mendik bolasyń jáne bul qarǵysty kúnder bir jylǵa sozylýy tıis. Basqa joldy kórmegen Aqbaqyt amalsyz kelisýge týra keldi.

          - Búgin keshke kelersiz, – degen únmen kete bardy.

          -  Obázatelno. Tot je dom?

          - Da

          Aqbaıan keshke deıin qańsyraǵan úıine barýǵa qoryqty. Jalǵyzsyrady. Talǵatqa qońyraý shalýǵa batyly barmady. Uıaty jibermedi. Keshke taman Asqar ekeýi bir jerden ashshy sýǵa toıyp alyp, túnde oınaq salýǵa úıge keldi. Kire beristen bastap aımalasyp, ibilistiń oıynshyǵyna aınalǵan eki qýyrshaq, nápsiniń jeteginde kete bardy. Bir kezde Asqar:

          - Úıiń ózgerip ketipti ǵoı. Qyz ekenińdi sezine bastaǵansyń ba? – dep kekete tústi.

          - Joq, anam kelgen, sol jınastyryp ketken ǵoı. Ádeti emes pe, – dep mán bergen joq.

          Aqbaıan ashshy sýdyń jetegimen, Asqardyń qushaǵynda, kúrsine berdi, aıǵaılaı tústi. Ekeýi tar tósekte biraz aıqasty. Bitken soń Aqbaıan ádetinshe, temekisin tutatpaq bolyp. Ottyq izdep, jaryqty qosyp qalǵan edi. Jan jaǵy jerge jaıylǵan gúlder, beıne bir mahabbat araly syndy qulpyryp tur eken. As úıge kirgen edi. Júregi sol sátte soǵýyn toqtatty. Talǵattyń dál júregine qadalǵan pyshaqty kórgen sátte, ol bul álemdi qarǵaǵandaı jerge otyra ketti. Beıkúná bozbala sol kúni, bólmeni árlep, týysqandarynan aqsha surap, Aqbaıanǵa ómirlik esten ketpes syı jasaǵysy kelgen edi. Átteń-aı! «Maǵan turmysqa shyqshy» degen sózdi aıtýǵa áli jetpedi. Buıyrmady.

          Aqbaıan da janyp bitken temeki qaldyǵymen birge, joǵarydan qulaı tústi. Óz kúnásin alyp ketti máńgilikke!..

Avtory: Ýathan QABYLTAI