«Keshki kezdesý» baǵdarlamasyna qonaqqa kelgen ánshi, aktrısa, ári prodúser Móldir hanym túsirilim barysynda kóńili bosap, kózinen aqqan jasy tyıylmaı qoıdy. «Tastandylar taǵdyry» degen taqyrypty qozǵaǵan baǵdarlamaǵa eshkimi joq jetim-jesirler kelip, ata-anasyz ómir súrýdiń qandaı bolatyny, olardy bir kórsem degen armandary týraly aıtqan bolatyn. Áke-sheshesi joq búldirshinderdiń qınalyp, saǵynyp, zaryqqandaryn júregimen sezip, kózimen kórgen Móldir sol jerde basynan aıaǵyna deıin kózine jas alyp, jylaýmen ýaqytyn ótkizdi. Olaı deıtinimiz bir kezderi Móldir Esentaevanyń «Ǵashyq júrek» fılminde jetimniń rólin somdaǵandyqtan, olardyń jan dúnıesin jaqsy túsinedi. Sol úshin bolar eriksiz jastyń tamshylary toqtaýsyz kele berdi. Bolashaqta ánshiniń armany jetimder úıinen bala asyrap, qamqorlyǵyna alyp, tárbıeleý dep jazypty óner ıesiniń fan klýb paraqashasynda.

Zametılı oshıbký na saıte? Najmıte Ctrl+Enter