Dóńgelek ústel basyna jınalǵan mamandar Altaıdaǵy tarıhı-mádenı keshenderdi IýNESKO-nyń muralar tizimine engizý qajettigin tilge tıek etti. 

Bul oraıda D.Serikbaev atyndaǵy SHQMTÝ-dyń atqaryp jatqan jumystary aýyz toltyryp aıtýǵa turarlyq. Atalǵan joǵary oqý orny R.Súleımenov atyndaǵy Shyǵystaný ınstıtýtymen tize qosyp Altaıǵa halyqaralyq ekspedısıa uıymdastyrǵan bolatyn. Ekspedısıa barysynda   otandyq jáne sheteldik ǵalymdar Qart Altaıdyń qoınaýyna búkken tamyrly tarıhymen tanysyp, ǵajaıyp álemine tereń boılap qaıtty. Osy sapar týraly, sondaı-aq Tarbaǵataıdaǵy Eleke sazy, Katonqaraǵaıdaǵy Berel qorymdarynan tabylǵan qundy jádigerler jóninde Óskemendegi basqosýda keńinen sóz boldy.

– Altaıdy IýNESKO-nyń muralar tizimine engizý sheteldikterge, halyqaralyq qaýymdastyqqa elimizdiń baı tarıhy men murasyn nasıhattaýǵa zor múmkindik beredi. Keıingi tórt-bes jylda óńirimizde arheologıa salasynda aýqymdy jumystar atqarylýda. Bul rette D.Serikbaev atyndaǵy SHQMTÝ ǵylymı jáne tehnologıalyq jaǵynan kóp qoldaý kórsetip keledi. Atalǵan jumystar aldaǵy ýaqytta jalǵasyn tabatyn bolady, – dedi jıynǵa qatysqan oblys ákiminiń orynbasary Ásem Núsipova.