Jympıty aýylynda shyqqan órtten bes bala qaza tapty

2025 jylǵy 4 mamyrda Batys Qazaqstan oblysy Syrym aýdanyna qarasty Jympıty aýylynda jeke turǵyn úıden órt shyǵyp, 1 jastan 6 jasqa deıingi bes bala kóz jumdy. Qaıǵyly oqıǵa kezinde ata-anasy jumysta bolǵan. Kópbalaly otbasy jaldamaly páterde turǵan.

Oblystyq polısıa departamentiniń málimetinshe, bul fakti boıynsha qylmystyq is qozǵaldy. Aldyn ala boljam boıynsha, balalardyń ólimine kómirqyshqyl gazymen ýlaný sebep bolǵan. Tergeý amaldary júrgizilip, oqıǵanyń naqty sebepteri anyqtalýda.

Oqıǵaǵa baılanysty Batys Qazaqstan oblysynyń ákimi Narıman Tóreǵalıev resmı málimdeme jasap, qaza tapqan balalardyń otbasyna jerleý rásimin uıymdastyrý, psıhologıalyq kómek kórsetý, baspanamen qamtamasyz etý jáne ózge de áleýmettik qoldaý sharalary kórsetiletinin habarlady.