Batys Qazaqstan oblysynda jekemenshik úıden órt shyǵyp bes bala qaza tapqan edi. Óńir ákimi jaǵdaıdy jeke baqylaýyna alǵanyn jetkizdi.

Jympıty aýylynda bolǵan qaıǵyly oqıǵadan keıin Batys Qazaqstan oblysynyń ákimi Narıman Tóreǵalıev resmı málimdeme jasady.

Ákimniń aıtýynsha, onyń tapsyrmasymen oqıǵa ornyna oblys ákiminiń orynbasary jiberildi. Aýdan ákimi de sol jerde bolyp, barlyq tótenshe jaǵdaı jáne tıisti qyzmetterdiń jumysyn úılestirip otyr.

Óńir basshysy qaza tapqan balalardyń otbasyna qajetti barlyq kómek kórsetiletinin aıtty. Otbasyǵa jerleý rásimin uıymdastyrý, psıhologıalyq qoldaý kórsetý, baspanamen qamtamasyz etý jáne basqa da áleýmettik qoldaý sharalary qolǵa alynady.

Oqıǵa ornynda TJD qyzmetkerleri, polısıa, medısına mamandary jáne ózge de sala mamandary jumysyn jalǵastyrýda. Tóreǵalıev jaǵdaıdy jeke baqylaýynda ustap otyrǵanyn atap ótti.