4 maýsym – memlekettik rámizder kúni

/uploads/thumbnail/20250604104235784_big.webp

Memlekettik rámizder – eldigimizdiń nyshany

Qazaqstan Respýblıkasynyń memlekettik rámizderi – Tý, Eltańba jáne Ánuran – Táýelsizdigimizdiń basty belgileri. Olar elimizdiń tarıhyn, mádenıetin, rýhyn jáne bolashaǵyn aıqyndaıtyn qasıetti nyshandar bolyp tabylady. Elbasy atap ótkendeı, árbir azamat bul rámizderdi tumardaı qasıet tutýy tıis.

Memlekettik rámizder 1992 jyldyń 4 maýsymynda qabyldandy. Bul kún – Qazaqstan tarıhynda mańyzdy kúnderdiń biri. Tý men Eltańba osy kúni bekitilse, Ánuran mátini 11 jeltoqsanda qabyldandy. Rámizderdi daıyndaý úshin arnaıy komısıa qurylyp, búkil el boıynsha baıqaý uıymdastyryldy. Myńdaǵan joba usynyldy, olardyń ishinen búgingi kúnge laıyqtysy tańdaldy.

Búginde Týymyz álemdik arenalarda jelbirep, Ánuranymyz halyqaralyq sport jarystarynda shyrqalyp keledi. Bul – el jetistiginiń aıǵaǵy. Memlekettik rámizder tek resmı belgiler emes, olar – eldik sana men patrıottyq rýhtyń qaınar kózi. Olardy qasterleý – ár azamattyń paryzy.

Rámizder arqyly elimizdi álem tanıdy, al jas urpaq osy rámizder arqyly otansúıgishtikke tárbıelenedi. Sondyqtan balabaqshadan bastap barlyq oqý oryndarynda rámizderdi qurmetteýge erekshe mán beriledi. Bul – bolashaqtyń kepili.

Qatysty Maqalalar