2024 jyly ustalǵan Oral qalalyq sotynyń burynǵy tóraǵasy Rýslan Jumaǵulovqa qatysty qylmystyq is boıynsha sot prosesi aıaqtaldy. İs Batys Qazaqstan oblysy Tasqala aýdandyq sotynda qaraldy.

Aıyptalýshylar qatarynda Jumaǵulovpen birge taǵy bir adam – advokat ta boldy. Eks-sýdáǵa Qazaqstan Respýblıkasy Qylmystyq kodeksiniń 24-baby 3-bóligi jáne 190-baby 3-bóliminiń 2-tarmaǵy ("Alaıaqtyqqa oqtalý") boıynsha aıyp taǵyldy. Al advokatqa qatysty is 190-baptyń 2-bóliminiń 3-tarmaǵy, 24-baptyń 3-bóligi, 28-baptyń 4-bóligi jáne 367-baptyń 2-bóligi boıynsha qaraldy.

Sot úkimimen Rýslan Jumaǵulov kináli dep tanylyp, oǵan 2 jyl 7 aı 15 kúnge bas bostandyǵynan aıyrý jazasy taǵaıyndaldy. Proses barysynda ol úı qamaqta bolǵan. Alaıda úkim jarıalanǵannan keıin sot ony sot zalynda qamaýǵa alý týraly sheshim shyǵardy.

Aıta keteıik, úkim áli zańdy kúshine engen joq.