Aýdandyq Mádenıet úıinde «Aqjarma» fólklorlyq ansambliniń jáne «Jorǵa» halyq bı ansambliniń shyǵarmashylyq konserti ótti. Oblys ortalyǵynda Shyńǵys Aıtmatov týyndysynyń jelisi boıynsha sahnalanǵan N. Jantórın atyndaǵy oblystyq mýzykalyq-drama teatrynyń «Ana - jer ana» spektakli ótti. Budan basqa, Pavlodar oblysyna Mańǵystaýdan bıznes delegasıa keldi. Kásipkerler «Kazenergokabel» AQ, «Pavlodar» AEA, «KSP Steel» JSHS, «Kompanıa Neftehım LTD» JSHS-ǵa bardy. Mańǵystaý bıznesmenderimen kezdesý barysynda Pavlodar oblysynyń agrosharýashylyǵy «Mańǵystaý jemis-kókónis termınaly» JSHS-men jalpy somasy 7,5 mlrd teńgege 100 myń tonna kartop, 50 myń tonna jemis jetkizýge ýaǵdalasty. Mańǵystaý oblysynyń Mádenıet kúnderi aıasynda Estaı atyndaǵy Mádenıet saraıynda Gala-konsert ótedi. Mańǵystaý oblysynyń Mádenıet kúnderi 27 maýsymda «Serper» syılyǵynyń laýreaty, «Qurmet» ordeniniń ıegeri Tamara Asardyń konsertimen aıaqtalady.