Ortalyq Azıadaǵy eń úlken qala Úrimjiniń bıik záýlim ǵımarattarynyń biri - 17 qabatyndaǵy birneshe seriktestikti qol astyna qamtyǵan «Kerýen ımport-eksport shekti jaýapkershilik seriktestiginiń» dırektory arǵy bette «Atymtaı jomart» atanǵan kásipker «Qamshy» aqparattyq portalynyń “Qazaq handyǵyna 550 jyl” tósbelgisimen marapattalǵan. Esbol Muhamadanuly aǵamyzdyń kabınetinde aýyldan aldyrǵan qysyrdyń qymyzyn ishe otyryp áńgimede otyrmyz.
- Baýyrym myna ándi sen sekildi bizdiń qalamyzdyń kelip- ketip turatyn syıly qonaǵynyń bireýi jazǵan.
- Qandaı án?
- Aldymen tyńdań kór.
Án qulaqtan kirip júrekke jetip jatyr. Saǵynysh pen sezimniń yrǵaǵy janyńdy eriksiz terbetedi. Ándi jazǵan adammen oryndaýshy egiz sekildi. Biriniń baǵyn biri ashyp tur.
Jasy qyryqtyń bel ortasyndaǵy qara tory, orta boıly aǵamyz áńgimeniń tıegin odan ary aǵytty
Osydan biraz buryn Aqtóbeden maǵan Bıaǵam habarlasyp «Assalaýmaǵalaıkým Esboljan baýyrym! Densaýlyǵyń qalaı? Amansyńdarma? Árýaqytta seniń Bıaǵa, aǵa degen jaǵymdy sóziń men úshin úlken qurmet. Saǵan esqatardaı aǵa bolyp kórinbesem de, áıteýir aǵalyq shyn kóńilimdi bilesiń, seni týǵan inimdeı kóremin. Jańa óziń tyńdaǵan óleńdi jazǵanda sezimde bolǵanymdy bilesiń. Qashan Shyńjańǵa barsam da senderdiń qoshametterińe, yqylastaryńa, nıetterińe erekshe rızamyz. Bul án arǵy bettegi qandastarymyzdyń qazaqy qonaqjaılylyǵy men aqpeıiline, izgilikteri men meıirbandylyqtaryna, qurmetterine arnalǵan alǵysymyz. Sen ótkende dóp basyp aıttyń, sol bir keshki qonaqasyda otyrǵanda Úrimshidegi seniń synyptas qyzdaryńmen qaryndastaryńnyń ádep ıbasy, qazaq qyzyna tán sypaıylyǵymen bıazylyǵyna arnalǵan án ǵoı. Taǵy bir júrekti tolqytar bir sezim bolǵan, ony óziń bilesiń. Sondada bul án Úrimshidegi barlyq shirkin qazaqtyń qyzy osyndaı bolsa eken degen qara kóz qaryndastarymyzǵa arnalady. Alla qalasa, osy ándi jazýshy ári oryndaýshy Qanat Aıtbaev dosyńmen birge sizderge baryp beınebaıan túsirip qaıtsaq degen oıymyz bar. Eń bastysy jan dosymyz saǵan unaǵanyna qýanamyz. Bul ándi Qazaq radıosy óte tamasha án dep altyn qorǵa salyp qoıdy.»,- degen vatsaptaǵy jazbany qoıyp berdi
Sóz arasynda júrek tolqytar bir sezim boldy dep aıtyp qaldy ǵoı, negizi bul ánniń astarynda bir syr bar sekildi.
Durys aıtasyń, jańaǵy Bı aǵam dep otyrǵanym Aqtóbe qalasynda turatyn Birjan Qalmaǵambetov degen birge týmasaq ta birge týǵandaı bolyp ketken aǵam. Jańa jylda habarlasyp janyna dosytarym ónerli otabasy -Aıtbaevtar jáne akademık aǵamyz Altaı Taıjanovpen birge keletinin aıtty. Ásirese Qazaqstannyń áleýmettik ǵylymdar akademıasynyń akademıgi, fılosofıa ǵylymdarynyń doktory, profesor Altaı Taıjanov aǵaǵa qurmetim sheksiz. Bı aǵammen Qanat dosyma Úrimjidegi qazaqtyń yqylasymen sol keshtegi qaryndastarmyzben meniń kýrstar qyzdarymnyń qazaqı minezi unaǵan bolý kerek. Keter ketkenshe alǵystaryn jaýdyrýmen boldy. Olardy biraz adam attanarlarynda áýejaıdan ushaqqa shyǵaryp saldyq. Keıin bir áńgimede Bı aǵam “Esboljan sender attanydyryp salǵan kúni, bir qaryndasymyz qoshtasarda qolymdy qatty qysty” dedi. “Qyz bala beker qoldy qyspaıdy-ǵoı, sizge ǵashyq bolyp qalǵan shyǵar” dedim ázil-shyny aralas. “Báse, sol kezde denemdi bir jalyn sharpyp ótti” dep aqkóńil Bı aǵam uıalyńqyrap qaldy. Tekti adam ǵoı, oıynda eshqandaı bir kir joq, onyń talaı ret kýási bolǵanbyz. Sol áńgimeden keıin mine jańa tyńdaǵan ándi jiberip, shúıinshilegen tilegi sol.
Ol arý kim boldy eken?
Bı aǵam aıtqandaı ol arýdy osy Úrimjidegi qazaq qyzy atyna laıyq qara kózderdiń biri dep túsinseń boldy- dedi Es aǵam.
Ia, Bı aǵamyz sekildi bizde bul qalaǵa issaparmen jıi kelip-ketip turamyz. Mıllıardtyń ishinde jasap jatsada, dinimen tilin qazaqtyq bolmysyn saqtap júrgen qandastarymyzben, qazaqtyń bar uıatymen aryn boıyna jıǵan qaryndastarymyzǵa dán rızamyz.
Álibek Ydyrys
