Oblysta 70 myńnan astam memlekettik qyzmetker jumys isteıdi. Onyń 54 paıyzyn jastar quraıdy. Bul týraly aımaqtyq komýnıkasıalar qyzmetinde ótken brıfıńte  QR Memlekettik qyzmet isteri agenttiginiń SHQO boıynsha departamentiniń basshysy Janna Qabdoldaqyzy málim etti.

Brıfıńte Prezıdenttik jastar kadrlyq rezervine qalaı qatysýǵa bolatyny týraly keńinen túsindirildi. 

– Oblysta 23-29 jas aralyǵyndaǵy 86 adam jumys isteıdi. Al 30-39 jas aralyǵyndaǵy 518 qyzmetker basshylyq qyzmetterdi atqarady. Onyń ishinde oblys ákiminiń bir orynbasary, úsh qala men aýdan ákimi, oblystyq basqarmasynyń 10 basshysy men 45 aýyldyq okrýgtiń ákimi bar, – dedi Janna Qabdoldaqyzy.

Prezıdenttik jastar kadrlyq rezervine qatysý úshin úmitkerlerge bar bolǵany PKRezerv.kz saıtyna tirkelý qajet. Oǵan keminde 5 jyl jumys ótili bar, 35 jasqa tolmaǵan Qazaqstan Respýblıkasynyń joǵary bilimdi azamaty úmitker bola alady. Tirkeý onlaın platformada júrgizilmek. Brıfıńke qatysqan «QR Prezıdentiniń janyndaǵy memlekettik basqarý akademıasynyń» SHQO-daǵy fılıalynyń dırektory Sergeı Kovalev osylaı dedi.

– Birneshe kezeńnen turatyn irikteýde úmitkerler aldymen testten ótip, esse jazady. Bul qatysýshylardyń oı-órisin, jazý qabiletin, aqparatty saraptaı alýy men jeke qasıetterin baǵalaýǵa múmkindik beredi. Alǵashqy kezeńnen súrinbeı ótkender beınejazbalar arqyly óz jobalaryn qorǵaıdy. Jobalardyń áleýmettik mańyzy bolýy shart. Ár kezeńniń baǵasy esepke alynyp, úmitkerge ortasha upaı qoıylady. Ozyp shyqqandarmen eksperttik komısıa jeke kezdesý ótkizedi. Eń kóp bal jınaǵan qatysýshylardyń kandıdatýrasy Prezıdenttiń jastar kadrlyq rezerviniń Ulttyq komısıasynyń otyrysynda belgili bolady, – dedi Sergeı Kovalev.