Almaty ákimdiginiń baspasóz ortalyǵynda Energotıimdilik jáne ınfraqurylymdyq damý basqarmasynyń basshysy Áset Masabaev qalanyń energokesheniniń aldaǵy jylý maýsymyna daıyn ekenin aıtty, dep habarlaıdy qalalyq ákimdiktiń baspasóz qyzmeti.

Ol óziniń sózinde Almaty qalasy sharýashylyq keshenderiniń aldaǵy jylý maýsymyna daıyndyǵy belgilengen keste boıynsha júrip jatqanyn jetkizdi.

Qalanyń barlyq energokeshenine aǵymdaǵy jóndeý jumystaryn júrgizýge 20 mıllıardqa jýyq teńge jumsaldy.

Bıylǵy jyldyń 27 qyrkúıektegi jaǵdaıy boıynsha energokeshenniń jalpy daıyndyǵy 100%-dy quraıdy, onyń ishinde:

- jylý jelileri – 100% (1222 km);

- elektr jelileri – 100% (7642 km);

- gaz jelileri – 100% (5095 km);

- «Almaty Sý» MQK sýmen qamtý jelileriniń daıyndyǵy – 100% (3183 km);

- bilim jáne densaýlyq saqtaý obektileri avtonomdy qazandyqtarynyń daıyndyǵy – 100% (bilim – 50 nysan, densaýlyq saqtaý – 16 obekt), «Almatyjylýkommýnenergo» JSHS qazandyqtarynyń daıyndyǵy – 100% (79 qazandyq birligi).

- avtonomdy qazandyqtardaǵy otyn qory – 100% (bilim – 2-i kómirmen janady,50 tonna kómir, 14-i dızelmen jylytady, 3600 tonna, 34-i gazben ysytady; densaýlyq saqtaý – 2-i dız. otyn, 70 tonna, 14-i gazben jylıdy), ATKE kómirdiń daıyndyǵy – 100% (110 tonna) mazýt, 103% (jospardaǵy 8,2 tonna ornyna 8,5 tonna). Aldaǵy jylý maýsymyna daıyndyq pasporty 2019 jyldyń 11 qyrkúıeginde alyndy.

- «Almaty elektr stansıalary» AQ qondyrǵylarynyń daıyndyǵy – 100% (71 qondyrǵy birligi). Daıyndyq pasporty 2019 jyldyń 6 qyrkúıeginde Qazaqstan Respýblıkasy energetıka Mınıstrligi atomdyq jáne energetıkalyq qadaǵalaý men baqylaý Komıtetinen alynǵan.

AlEs-yndaǵy otynnyń normatıvti qory – kómir 123% (jospardaǵy 211 myń tonna ornyna 237myń tonna) jáne mazýt 119% (jospardaǵy 21 myń tonna ornyna 25 myń tonna).

- bilim obektileriniń daıyndyǵy – 100% (444 obektiler birligi);

- densaýlyq saqtaý obektileriniń daıyndyǵy – 100% (78 obektiler birligi)

-kópqabatty úılerdiń daıyndyǵy  – 100% (7717 KQTÚ).

2019 jyly 9 bazadaǵy kómirdiń josparlanǵan qory 245 myń tonna ekeni turǵyndarǵa aldyn ala habarlandy. 2019 jyldyń 25 qyrkúıeginde bazalardaǵy naqtyly otyn qory – 17,5 myń tonna.

Aıta keterligi, qalada jyl ishinde orta eseppen 50 myń tonna kómir jaǵylady.Qalǵan otyn (195 myń tonna, bul jalpy kólemniń 80%-y) Almaty oblysyna (İle, Qarasaı, Eńbekshiqazaq aýdandary) jiberiledi.

Brıfıń barysynda debıtorlyq qaryz týraly da aıtyldy. Bıylǵy jyldyń 25 qyrkúıeginde komýnaldyq qyzmet úshin debıtorlyq qaryz 2,6 mlrd teńgeni qurap otyr, onyń ishinde: 1,75 mlrd teńge (67%) – jylý men ystyq sýdyń qaryzy, 226 mln teńge (9%) – sýyq sý men kárizdiń qaryzy, 446 mln teńge (18%) – elektr jaryǵynyń qaryzy jáne 170 mln teńge (7%) gazǵa tólenetin qaryz.

Jyl basynan beri qaraı jeke sot oryndaýshylaryna jalpy quny 1,164 mln. teńge bolatyn 4,8 sot sheshimi berilgen edi, olardyń quny 137 mln. teńge bolatyn 1,2 myń talap (ısk) qanaǵattandyryldy.