Qazaqstanda sońǵy 4 jylda taýar baǵasy, jalaqyǵa qaraǵanda 3-4 esege ósken. Bul týraly «Atameken» ulttyq kásipkerler palatasynyń tóralqa tóraǵasy Tımýr Qulybaev aıtty, Qamshy.kz aqparat agenttigi LS saıtyna silteme jasap.

Májilis depýtattarymen kezdesken Tımýr Qulybaevtyń sózinshe, tórt jylda azyq-túlik taýarlarynyń baǵasy 37 paıyzǵa, ózge taýarlardyń baǵasy 42 paıyzǵa qymbattaǵan. Al turǵyndardyń shynaıy tabysy 11 paıyzǵa ósipti.

– Turǵyndar birinshi qajettiliktegi zattardy alýǵa qarajattary bolmaǵandyqtan, máseleni tutynýshylyq nesıeler arqyly sheshýge májbúr. Azamattardyń nesıege júginý kórsetkishi 22 paıyzǵa artyp, 6,2 trln teńgege deıin jetti. Bul – úlken táýekeldi úrdis. Nesıelerdiń jartysynan kóbi kepilzatsyz berilgen, – dedi T.Qulybaev.

Túıitkil túıinin tarqatý úshin búdjettik salada eńbek etetin 1,6 mln adamdyń jalaqysyna túbegeıli ósim kerek. Búdjet qyzmetkerleriniń eńbekaqy qory 2,2 trln teńge ekenin eskersek, túbegeıli ósgeris engizý úshin aldaǵy úsh jylda taǵy 2,9 trln teńge qajet. Iaǵnı jyl saıyn 1 trln teńgege jýyq qarjy jumsalýy kerek.

Alaıda turǵyndar tabysynyń ósimin búdjettik shyǵyndar arqyly ǵana sheshý múmkin emes. Eńbekke jaramdy halyqtyń 80 paıyzy memlekettik emes sektorda jumys isteıtinin eskersek, naqty salalardy damytý qajettiligi týyndaıdy.