Qazaqstandyq tanymal akter Sanjar Mádıev Tengrinews.kz tilshisine reseılik "Qorǵaýshylar" fılminiń túsirilim jumystary týraly aıtyp berdi.
Rejıser Sarık Andreasánnyń kartınasynyń túsirilimi 27 sáýirde Máskeýde bastalyp, maýsym aıyna deıin jalǵasty. "Qorǵaýshylar" kınomıksi keńes respýblıkalary batyrlarynyń ómiri týraly. Olar ǵalym Avgýst Kýratovqa (Stanıslav Shırın) qarsy shyǵady. Aıýǵa aınala alatyn orys batyrynyń rolin Anton Pampýshnyı oınaıdy. Tastardy basqara alatyn armán batyryn Sebastán Sısak Grıgorán somdaıdy. Al Alına Lanına sýda joq bolyp kettin qyz bolady.
Sanjar Mádıev fılmde jelden de jyldam qazaqtyń Han batyrynyń rólin somdady. "Kastıng týraly men kezdeısoq bildim, dosym habarlasyp, kastıng bolyp jatqanyn, ózim týraly málimetterdi tezirek jiberýim kerek ekendigin aıtty. Men málimdemeni sońǵy kúni jiberdim. Kastıng úsh etaptan turdy, tórtinshi kúni men kelisimshartqa otyrý úshin Máskeýde boldym", - dedi Mádıev.
Daıyndyq bir jarym aıǵa sozyldy, sodan keıin túsirilim jumystary bastaldy. Túsirilim barysy týraly aıta otyryp Mádıev óz rolin alyp shyǵý úshin óte qıyn qımyldar oryndaǵanyn, al qatty qıyndaryna kaskaderler túskenin aıtty. Aıta keteıik, Sanjar Mádıev "Elesti aýlaý" fılminde de Nıkıta Presnákov ekeýi osyndaı qıyn roldi oınaǵan bolatyn.
"Qorǵaýshylar" fılminde shyǵystyq ýshý jáne kýngfýyna uqsas elementter boldy. Batyrdyń kıimimen men júgirip, sekire almadym. (...) Men oınaǵan batyr - burynǵy kıller, ol óz qylyshy arqylyóte shapshań tóbelesedi", - dedi akter.
"Túsirilim óte qyzyqty ótti. Biz amerıkalyq fılmderdegi beksteıdjderdi beksteıdjderdi kórdik, sunda da týra sondaı boldy. Pampýshnyı aıýdyń kıimin kıgen kezde biz onyń basyna joǵary qaradyq, keıin naǵyz aıýdy beınelegen kezde biz onyń moınyna emes, kózine qaradyq. Qalanyń qıratylǵanyn únemi elestetip otyrýǵa týra keldi. Mundaı túsirilimderde qıaldaý kerek", - dedi Mádıev.
