SHQO densaýlyq saqtaý basqarmasynyń keńeıtilgen otyrysynda birqatar olqylyqtar belgili boldy. Taıaýda quzyryna qarasty aýmaqta ana men bala ólimi oryn alǵany úshin  bes birdeı aýdannyń bas dárigeri qyzmetinen ketýi múmkin.Bul týraly «Qamshy» portaly habarlaıdy.

Aaımaqtyń densaýlyq saqtaý salasyndaǵy keıbir aýdandardaǵy túıtkildi másele kóp. Mysaly Glýbokoe aýdanynda juqpaly aýrýlardyń taralýyna baılanysty jaǵdaı kúrdeli. Al Tarbaǵataı men Kúrshim aýdanyndarynda ana ólimi oqıǵasy kóbeıip ketken. Sondaı-aq, Aıagóz, Kókpekti, Shemonaıha aýdandaryna bala óliminiń kórsetkishi áli de túspeıi tur. Jalpy aımaqta ótken jyldyń 6 aıymen salystyrǵanda bıylǵy jarty jylda ana ólimi 67% artqan.

Turǵyndardyń týberkýlezben aýrýy kórsetkishi 18%-ǵa tómendegenmen, Tarbaǵataı, Zaısan, Kókpekti aýdandarynda juqpaly dertke qatysty jaǵdaı ýshyǵyp tur. Qurt aýrýynan ólim-jitim Óskemen, Glýbokoe, Jarma, Ulan aýdarynda joǵary. Jıyn nátıjesinde qyzmetteri syn kótermegen 5 aýdannyń bas dárigerleriniń isi SHQO Densaýlyq saqtaý basqarmasynyń tártiptik keńesinde qaralady.  Sonymen qatar, kórsetkishteri máz emes taǵy 7 aýdannyń bas dárigerine qatań sógis jarıalanýy múmkin. Eger syn túzelmese, olarǵa da shara qoldanylmaq.