Almaty polısıasy  joǵalyp ketken eki balaǵa izdeý jarıalady. Bul týraly «Qamshy » portaly qalalyq İİD baspasóz qyzmetine silteme jasaı otyryp habarlaıdy.

2008 jyly týylǵan Aleksandr Nahaev  pen 2010 jyldyń, 28 shildesinde týylǵan  Polına Nahaeva eresekterdiń qaraýynsyz qalǵan kezde   úıden  shyǵyp ketipti. Úıleri Medeý aýdanyndaǵy  saıajaı qaýymdastyǵynda ornalasqan. Balalardyń qaıda ekeni áli kúnge belgisiz.

Medeý aýdandyq ishki ister basqarmasyna qarasty polısıa bólimindegilerdiń jetkizýinshe, balalarynyń joǵalyp ketkeni týraly polısıaǵa olardyń anasy eki kúnnen keıin ǵana  habarlapty.Anasy osy ýaqytqa deıin balalardy týysqandary alyp ketken bolar degen joramalmen júrgen.

Ul balanyń belgileri: túr-álpeti eýropa násildi, boıy 120 santımetr, shashy ashyq tústi, qysqa. Ústine kıgeni - sýreti bar kók máıke, kók djıns pen  kók krosovka. Erekshe belgileri: orys tilinde, azdap tutyǵyp sóıleıdi.

Qyz balanyń belgileri: túr-álpeti eýropa násildi, boıy 110 santımetr, shashy ashyq tústi, qysqa. Ústinde aq máıke, kók tústi djıns beldemshe men qońyr sandal b. Erekshe belgileri: orys tilinde, azdap tutyǵyp sóıleıdi.

Almaty  qalalyq polısıa bólimi balalardyń qaıda ekenin biletinder bolsa Medeý AİİB-ǵa habarlaýdy suraıdy: Qabanbaı batyr kóshesi, 93. Telefondar: 254-48-40; 254-48-02; 8-702-6666044 nemese 102.