Sońǵy jyldary Qazaqstanda kámelet jasqa tolmaǵandardyń arasynda jynystyq qylmysqa shatylýshylardyń kórsetkishi artyp keletindigine resmı organdaǵylar alańdaýshylyq bildiretini týraly talaı ret aıtylǵanymen,  qylmys sany azaımyı tur. Jaqynda Aqmola oblysynda taǵy bir jan túrshilegrlik oqıǵa oryn aldy. 8 synyp oqýshysy 80 jastaǵy zeınetkerdi soqqyǵa jyǵyp, zorlamaq bolǵan. Bul týraly «Qamshy» portaly «Novostı-Kazahstan» baslymyna silteme jasaı otyryp habarlaıdy.

Oqıǵa 29 shilde kúni Aqmola oblysynda bolǵan. Beıtanys jetkinshik 1935 jyly týylǵan  keıýananyń úıine basyp kirip, ony soqqyǵa jyqqan. Artynsha onyń zeınetkerdi zorlamaq bolǵandyǵy anyqtalǵan. Qylmysqa kúdikti retinde 1999 jylǵy 8 synyp oqýshysy ustalǵan,deıdi oblystyq İİD.

Qazir oqıǵaǵa qatysty QR Qylmystyq kodeksiniń 24 baby 3 bóliginiń “Qylmys jasaýǵa árekettený” jáne 120 baby 1 bóliginiń “Zorlaý” qylmystary boıynsha tergeý júrgizilýde.

Eske salsaq, buǵan uqsas jaǵdaı 24 shilde kúni Shyǵys Qazaqstan oblysynda bolǵan edi. Kolej stýdenti 75 jastaǵy keıýanany zorlaǵan bolatyn.

Nurzat Toǵjan