Tanymal qazaqstandyń ánshi Álisher Kárimov Qazaq handyǵynyń 550 jyldyǵyna arnap jańa beınebaıan túsirip jatqan kórinedi. Ánshi bul týraly óziniń ınstagramm áleýmettik jelisisindegi jeke paraqshasynda málimdegen. Bul týraly «Qamshy» portaly habarlaıdy.
«Men dúnıedegi eń baqytty adammyn, sebebi álemniń eń keremet elinde ómirge keldim! Bizdiń elimizde 100-den astam ult pen ulys tatý-tátti, tynysh ómir súrýde. Taıaýda meniń súıikti Qazaqstanym týraly jańa vıdeom jaryqqa shyǵady. Men ony «Qazaqstan halqy Assambleıasynyń» jyly men Qazaq handyǵynyń 550 jyldyǵyna arnadym! Birligimiz jarasqan, kóz tımesin elime!» - dedi Álisher Kárimov.
