Almaty. Qamshy portaly – Astanadaǵy  Artem bazarynyń mańynda bolǵan tóbeleske qatysty jalǵan aqparat taratqan áleýmetik jeli qoldanýshysyn Astana qalalyq soty jaýapqa tartty.

Astanalyq sot oryndaýshysy ǵalamtorda «kókpe-kórineý jalǵan aqparat taratty» degen kúdikpen ustalǵan qala turǵynyn 2,5 jylǵa bas bostandyǵynan aıyrý týraly sheshim shyǵarǵan.

Bul týraly Azattyq tilshisi Astana qalalyq sotynyń baspasóz-qyzmetine silteme jasaı otyryp habarlaıdy.

Qalalyq sottyń baspasóz-qyzmetiniń habarlaýynsha, sottalǵan er adamǵa maýsymnyń 16-sy kúni Astanadaǵy "Artem" saýda úıi mańynda tóbeles bolǵany týraly "jalǵan aqparat taratty" degen aıyp taǵylǵan.

Keshe Astanada sot 16 maýsymda "Artem" saýda úıi mańynda bolǵan janjalda "buzaqylyq jasap, polısıaǵa baǵynbady" dep aıyptalǵan eki adamdy eki jarym jylǵa bas bostandyǵyn shekteý týraly úkim shyǵarǵan.

"Artem" saýda úıindegi tóbeles 16 maýsym kúni keshki saǵat 20 shamasynda bolǵan. Oqıǵa "Artem" kúzetshileriniń úsh bala ertken jas kelinshektiń saýda úıi aldynda qaıyr suraýyna ruqsat etpeýinen bastalǵan. Polısıanyń aqparatyna qaraǵanda, kúzetshiler kelinshekpen sózge kelip qalyp, oqıǵa ornyna top adam jınalǵan.

Nurzat Toǵjan