Chelábınsk oblysynda qazaqstandyq júrgizýshi jol apatynan qaza tapty. Hyundai H1 shaǵyn avtobýsy men "VAZ-2108" avtokóligi jol ústinde Ývelskı aýdanynda soqtyǵysyp qaldy. 3 tamyzda bolǵan bul jol kólik oqıǵasy sol sátte jolda ketip bara jatqan kóliktiń vıdeotirkegishine túsip qalǵan. Bul týraly "Qamshy" aqparattyq portaly tengrinews.kz saıtyna silteme jasaı otyryp habarlaıdy.
Apat Chelábınsk–Troısk avtojolynyń 70-shaqyrymynda bolǵan. Shaǵyn avtobýstyń tizgininde otyrǵan 60 jastaǵy qazaqstandyq joldyń qarsy baǵytyna shyǵyp, 31 jastaǵy reseılik júrgizýshi tizgindegen kólikpen soqtyǵysty.
Polısıa qyzymetkeriniń habarlaýynsha: "Jol apatynyń saldarynan eki júrgizýshi de sol jerde qaıtys bolǵan. Avtokólikte otyrǵan 18 jastaǵy qyz túrli jaraqat alypty". Bul jol - kólik oqıǵasy boıynsha jedel-tergeý toby jol apatynyń sebepterin anyqtap jatyr.
Gúlden ÁBDİBAQYT
