Kúni keshe ǵana Almaty jurtyn eseńgiretip tastaǵany laı-tasqyny esimizden áli umytyla qoıǵan joq-ty. Ol kezde dambydan órleı aqqan tasqyn qala kóshelerin qıratyp ketken bolatyn. Al dál sol kezde Almatynyń shetkeri aımaǵy-  Talǵar aýdanynda sý bógeni apatty jaǵdaıda degen dabyl qaǵylyp, turǵyndardy evakýasıalaý jumystary bastalyp ketkeni týraly osyǵan deıin «Qamshy» portaly jazǵan bolatyn.

5 tamyz kúni keshki saǵat 20:05 shamasynda Talǵarda taǵy da dabyl qaǵylǵan. Almaty oblysy Talǵar aýdanynda 20 gektardan astam jaıylym alqabynan órt shyqqan. Tótenshe jaǵdaılar departamentiniń baspasóz-qyzmetiniń habarlaýynsha órtten aýyr zardap shekkender joq.

Órtti sóndirýge barlyǵy 12 birlik tehnıka  men Almaty qalasy jáne Almaty oblysy tótenshe jaǵdaılar departamenti qyzmetkerlerinen 58 adam, eriktiler topbynan 65 turǵyn jumyldyrylǵan.

Aldyn-ala boljamdar boıynsha órt kúnniń qatty jylynýynan bolǵan. Al sınoptıkter bolsa aldaǵy apta boıy Qazaqstannyń ońtústik-shyǵys bóliginde aptap saqtalady deıdi.

Nurzat Toǵjan