Sh. Ýálıhanov atyndaǵy Tarıh jáne etnologıa Instıtýty 2013 jyldyń 1 qazanynda tanymal ǵalym, tarıh ǵylymdarynyń kandıdaty, Instıtýttyń jetekshi ǵylymı qyzmetkeri Álimǵazy Dáýlethanulynyń 70 jyldyq mereıtoıyna oraı Ǵylymı Keńestiń keńeıtilgen otyrysyn ótkizedi.

Álimǵazy Dáýlethanuly qazirgi Qazaqstan tarıh ǵylymynyń tanymal ókili, onyń negizgi ǵylymı zertteý jumystarynyń mazmuny Túrkesh qaǵanatynyń qurylýy, túrkeshterdiń etnıkalyq quramy ejelgi rýnıkalyq túrki jazbalaryndaǵy Túrkesh qaǵanatyna qatysty derekterdi qarastyrýymen, qazaq halqynyń rýhanı-mádenı damýyn zertteýmen  erekshelenedi. Ǵalym 200-ge jýyq ǵylymı jáne ǵylymı-kópshilik zertteýlerdiń, onyń ishinde 2 monografıalyq eńbektiń jáne oqý quraldary men oqýlyqtardyń avtory.

Á. Dáýlethanulynyń uzaq jyldardaǵy ǵylymı izdenisteriniń jıyntyǵy retindegi «Ejelgi jáne orta ǵasyrlardaǵy túrkiler» atty kólemdi zertteý eńbegi bizdiń jyl sanaýymyzdan burynǵy myń jyldyq pen b.d. Vİİİ ǵasyryna deıingi tarıhı oqıǵalardyń mańyzyn zerdeleýge arnalǵan. Sondaı-aq «Túrkesh qaǵanaty» (692-766)» monografıalyq eńbegi qazaq tarıhynyń ǵasyrǵa jýyq aqtańdaǵyn aıqyndap, túrkeshterdiń etnıkalyq quramy, etnoaýmaǵy, el bıleý úrdisi, dıplomatıasy, sondaı-aq áleýmettik-ekonomıkalyq, sharýashylyq jáne mádenı jaǵdaıyna qatysty kóptegen tyń jáne naqtyly málimetter negizinde jazylǵan.

Á. Dáýlethanuly Otan tarıhynyń ejelgi jáne ortaǵasyrlardaǵy ózekti máselelerine, tarıhı tulǵalar men til, dil men din máselelerine arnalǵan ǵylymı maqalalarymen qatar, Qazaq tarıhynyń kókeıkesti taqyryptaryna arnalǵan respýblıkalyq jáne halyqaralyq ǵylymı-tájirıbelik konferensıalarlarda jasaǵan mazmundy baıandamalarymen Qazaqstan halyqtarynyń rýhanı ósýine, ultaralyq jarasymdylyq pen birliktiń saltanat qurýyna úles qosyp keledi.

Mereıtoı ıesiniń áriptesteri men dos-jarandaryn, shákirtterin jáne ózge tilektes kópshilikti mereıtoılyq is-sharaǵa qatysýǵa shaqyramyz.

Ǵylymı keńes «Ǵylym Ordasy» ǵımaratynyń Kishi zalynda saǵat 15.00-de ótedi.

Meken-jaıy: 050010, Almaty q., Shevchenko k., 28, 3-qabat.

Anyqtama telefondary: 8(727) 2 616557, 8(727) 2616719

Qazaqstan Respýblıkasy Bilim jáne ǵylym mınıstrligi Ǵylym komıteti Sh.Sh. Ýálıhanov atyndaǵy Tarıh jáne etnologıa ınstıtýty  Uıymdastyrý komıteti