Qazaqstannyń Bilim jáne ǵylym mınıstrliginiń qyzmetkerleri 2015 jylǵy bilim berý granttaryn úlestirý jaǵdaıyna túsinik berdi. Joǵary oqý ornynan keıingi halyqaralyq qatynastar departamentiniń dırektorynyń mindetin atqarýshy Serik Ómirbaev Astanadaǵy baspasóz máslıhatynda ata-analar men túlekterden kóptegen aryz túsip jatqanyn habarlady. Túlekter bilim berý grantyna ilige almaǵan. Bul týraly "Qamshy" aqparattyq portaly Tengrinews.kz - ke silteme jasaı otyryp habarlaıdy.
Bizde tek "Altyn belgi" ıegerleri ǵana nemese olımpıada jeńimpazdary ǵana kirgen birqatar mamandyq bar. Bul mamandyqtar qataryna: halyqaralyq qatynastar, shyǵystaný, shetel fılologıasy, quqyqtaný, keden isi, ekonomıkalyq barlyq mamandyqtar, medısına jatady. Bul mamandyqtar boıynsha 39 "Altyn belgi" ıegeri grant ala almady. Sebebi, jastardyń bul kategorıasy tek suranysqa ıe mamandyqtardy belgileıdi. Árıne, olar óz jınaǵan baldary boıynsha qarastyrylady , al ekonomıkalyq jáne quqyqtaný mamandyqtaryna granttar sany azaıady", - dep túsindirdi Ómirbaev.
Onyń aıtýynsha, "Altyn belgi" ıegeri bolǵan 39 túlek qana grantsyz qalmaǵan, halyqaralyq olımpıadalardyń segiz jeńimpazy da, halyqaralyq ǵylymı jarystardyń 92 júldegeri de jáne túrli shyǵarmashylyq jáne sport jarystarynyń 293 jeńimpazy da grantqa ilige almady.
"Bilim grantyn úlestirýde rektorlar jyl saıyn grant bóledi. Grantsyz qalǵan "Altyn belgi" ıegerleri qujat tapsyrǵan joǵary oqý ornyna kelip, qabyldaý komısıasyna jolyǵýy kerek. Barlyq rektor birinshi kezekte daryndy balalardy qoldaıdy", - dedi Ómirbaev.
Ol ata-analar men talapkerlerdiń tarapynan bolatyn túsinispeýshiliktiń qabyldaý komısıasynyń sapasyz qyzymetinen shyǵatynyn aıta kele: "Olar túsindirý jumystaryn durys júrgize almady. Biz joǵary bilim berý mekemelerine hat joldap, onda qabyldaý komısıasynyń túsindirý jumystaryn júrgizýi kerektigin jazdyq", - dedi Serik Ómirbaev túlekterdiń qujatty granty eń az mamandyqtarǵa tapsyrǵany jaıly suraqqa jaýap bere otyryp.
Bilim grantyn úlestirý kezinde ádiletsizdiktiń tarazysy basymyraq bolǵany baıqalady, "Altyn belgi" ıegerleri men olımpıada jeńimpazdary granttan qaǵylyp jatyr, málimetterge súıensek orys tili bólimi 59 balmen grant ıegeri atanyp jatsa, memlekettik tilimen birińǵaı test tapsyryp, grant jaǵalaǵandar 80 balmen kózdegen Joǵary oqý ornyna túse almaı jatyr.
Gúlden Ábdibaqyt
