Grýzıa bıligi eks-prezıdent Mıhaıl Saakashvılıdi azamattyqtan aıyrý týraly sheshimge kelgen. Bul týraly «Qamshy» portaly «Komsomolskaıa pravda» gazetine silteme jasaı otyryp habarlaıdy.

«Biz Kıevten eks-prezıdent Mıhaıl Saakashvılıge ýkraın azamattyǵynyń berilgenin resmı rastaıtyn habar kútemiz. Bul rastalǵan jaǵdaıda biz ony grýzın azamattyǵynan aıyrý prosesin bastaımyz», – dedi ádilet mınıstri Teıa Sýlýkıanı.

Ázirge Tbılısı Kıevten Saakashvılıge ýkraın azamatyǵynyń berilgenin resmı túrde rastaýdy kútip otyr. Al Grýzıa memleketiniń zańdaryna sáıkes, bul elde eki memlekettiń azamattyǵy júrmeıdi.  Sondyqtan Saakashvılı myrza óz tańdaýyn jasasa kerek.

Eske sala keteıik, Saakashvılı bıylǵy jyldyń mamyr aıynda Odessa oblysynyń gýbernatory bolyp taǵaıyndalǵan edi. Grýzıanyń burynǵy prezıdenti osynyń aldynda ýkraın azamattyǵyn alǵan bolatyn.