Ujymdyq Qaýipsizdik Shart Uıymynyń ujymdyq áýe kúshterin qurý sheshimi jaqyn arada qabyldanady.

Bul týraly búgin uıymynyń Bas hatshysy Nıkolaı Bordúja beınekópir formatynda ótken baspasóz máslıhatynda málim etti.

«Áýe qorǵanysyna keletin bolsaq, biz qazirgi ýaqytta onyń tujyrymdamasyn jasaqtadyq jáne jaqyn arada UQSHU-nyń ujymdyq áýe kúshterin qurý týraly sheshim qabyldanady. Bul kúshter negizinen aýmaqtaǵy kóliktik jáne qorǵanys máselelerimen aınalyspaq», - dep atap ótti ol.

Onyń aıtýynsha, sonymen qatar, uıym aıasynda arnaıy operasıalardyń ujymdyq kúshterin qurý boıynsha jumystar da atqarylýda.

«Arnaıy operasıalardyń ujymdyq kúshterin qurý boıynsha jumystardy jaqyn arada aıaqtaý josparlaýda. Konseptýaldy turǵyda bul jumystardy sheshtik. Menińshe, qazirgi ýaqytta barlyq másele qajetti normatıvtik bazany jasaýǵa tirelip otyr. Bul arnaıy operasıalar jáne áýe kúshteri qurylymdaryna qatysty», - dedi N.Bordúja.

UQSHU Bas hatshysynyń sózine qaraǵanda, atalmysh ujymdyq kúshterdiń qurylý jáne olardy basqarý júıesiniń jasalýy uıymǵa múshe memleketterdiń kúshtik qurylymyn edáýir nyǵaıtpaq jáne onyń tıimdiligin arttyratyn bolady.

"QazAqparat"