Qazaqstandyq kásipker, mıllıoner Talǵat Baıtazıevtiń balasy Parıjdegi Four Seasons Hotel George V Paris dep atalatyn bes juldyzdy qonaqúıdiń aldynda koleksıalyq avtokólikterin kórmege qoıdy.  Bul aqparat "VKontakte" áleýmettik jelisindegi CarsKz avtotobynda jarıalandy. Bul týraly «Qamshy» portaly tengrinews.kz-ke silteme jasaı otyryp habarlaıdy.

"İshinde ilýde bir kezdesetin sýperkarlary bar sary kortejdi jıi kórmeısiń", - delingen habarlamada. Sonda Mıhaıl Baıtazıevtiń avtomobılderiniń sýretteri, ataýlary jáne baǵalary keltirilgen.

"Qýaty 775 attyń kúshi bar Ferrari F12 Berlinetta Mansory Stallone. Bar jyldamdyǵy - saǵatyna 350 shaqyrym. 0-den 100 shaqyrymǵa deıingi jyldamdyqty 3 sekýndta asyrady. Quny - 600 myń evro. 

Gronos G63 AMG 6×6 - álem boıynsha jalǵyz. Muny onyń belgilerinen baıqaýǵa bolady. Túnıng-sheberhana ony 840 attyń kúshi bar jol talǵamaıtyn kólikke aınaldyrdy. 100 shaqyrymǵa deıingi jyldamdyqty 6,1 sekýndta asyrady. Baǵasy - shamamen 1 mıllıon evro. 

Mercedes S63 AMG Mansory. Qýaty 800 nemese 1000 attyń kúshine teń. Júz shaqyrym jyldamdyqqa 3,6 nemese 3,2 sekýndta asyrady, bar jyldamdyǵy saǵatyna 300 shaqyrym. Sedan túriniń quny 500 myń evro".
Talǵat Baıtazıev 49 jasta, ol Atyraý munaı-gaz ınstıtýtynyń túlegi, 2004-2012 jyldar aralyǵynda Atyraý munaı óńdeý zaýytyn basqardy. 2012 jyldyń jeltoqsanynda Batumi Industrial Holdings Ltd kompanıasynyń bas dırektory bolyp taǵaıyndaldy. Bıylǵy naýryzda kásipkerdiń Moldava metalýrgıa zaýytynyń bas dırektory bolyp taǵaıyndalǵany habarlanǵan edi.