Bul týraly Elbasy Aqordada ótken qazaqstandyq kásipkerlermen kezdesýi barysynda málimdedi.

Nursultan Nazarbaev teńgeniń qunsyzdanýy men ekonomıkalyq saıasatta engizilgen jańa júıege qatysty narazylyq aksıalaryn nemese mıtıńter uıymdastyryp, eldiń tynyshtyǵyn buzýǵa árekettengender qatań jazalanatynyn eskertken.  Bul týraly «Qamshy» portaly jazady.

«Eger tynyshtyqty alatyn «provokatorlar» shyǵatyn bolsa, quqyq qorǵaý organdary tıisti tapsyrmasyn alatyn bolady. Ondaılardy qatań jazalaıtyn bolamyz»,-dedi memleket basshysy.

Sondaı-aq, «Biz mundaı qatań sharalardy eldiń tynyshtyǵy men keleshegi úshin qabyldap otrmyz»,-dedi Elbasy.

«Quqyq qorǵaý organdary sáıkesinshe tapsyrma aldy, qatań tyıý kerek. Qazir qıyn sát jáne bankterdi bopsalap, kóshelerde urandatatyn adamdar bolýy múmkin. Mundaı adamdardy tyıatyndyǵymyzdy málimdeımin. Renjıtin bolmasyn. Munyń barlyǵy jaqsy ómirden nemese bizderdiń ahýaldy nasharlatýymyz úshin jasalyp otyrǵan joq. Biz muny sanaly túrde jáne bizdiń azamattarymyzdyń ál-aýqaty úshin jasaýdamyz», – dedi Elbasy.

Nurzat Toǵjan