Ulttyq bank 20 tamyzda teńgeniń jańa baǵamyn bekitti. Ol dollaryna 255,26 teńgeni qurady. Alaıda Qazaqstan óz valútasyn álsiretýge týra kelgen jalǵyz memleket emes dep habarlaıdy. "Qamshy" aqrparattyq portaly  NUR.KZ-ke silteme jasaı otyryp

Dollar quny 182,35 teńge bolǵan jyl basymen salystyratyn bolsaq, otandyq valúta 39,9%-ǵa arzandady.

Qarjyger Aıdarhan Qusaıynovtyń málimetterine súıensek, aǵymdaǵy jylda óz valútasyn keminde 10%-ǵa devalvasıaǵa ushyratqan elder arasynda damyǵan memleketter de bar.

– Norvegıalyq krona jyl ishinde 32,9%-ǵa túsken;

– Kanadalyq dollar – 19,9%;

– Avstralıalyq dollar – 26,2%;

– Eýro – 20,0%;

– Belorýssıalyq rúbl – 54%;

– Ázirbaıjandyq manat – 40%;

– Grýzındik ları – 35,3%;

– Qytaılyq ıýán – 4,2%;

– Ońtústikkoreıalyq vona – 16,2%;

– Japondyq ıena – 21,0%;

– Sıngapýrlyq dollar – 12%;

– Túrkıalyq lıra – 32%;

– Malaızıalyq rınggıt – 32,3%;

Álemniń jetekshi valútalarynyń dollarǵa shaqqandaǵy quny jalpy alǵanda 15%-ǵa túsken.

VTB 24 ınvestısıalyq departamentiniń bas sarapshysy Stanıslav Kleshev teńgeniń quldyraýy belorýssıalyq rúbl jáne ýkraınalyq grıvnamen birdeı deńgeıge jetkenin aıtýda. Atalmysh valútalar jyl basynan beri devalvasıa mólsheri turǵysynan top jarǵan bolatyn dep jazady RBK.

Qazaqstan TMD elderi arasynda devalvasıa jarysyna sońǵy bolyp qosyldy.

«Qazaqstan Halyq banki básekelestiktiń basym bólsheginen aıyrylǵanyna baılanysty bul qadamǵa bardy. Reseı Qazaqstannyń saýdadaǵy negizgi áriptesi bolǵandyqtan, shıkizat taýarlaryna baǵanyń túsýi aıasynda rúbldiń álsireýi Qazaqstanǵa da áser etti. Jaqynda qytaılyq ıýánniń álsireýi qosyshma faktor bolýy múmkin», – dep jazdy óz sholýynda Sberbank CIB sarapshysy Tom Levınson.