Batys elderi ekinshi dúnıejúzilik soǵystan tıisti sabaq ala almady. Búginde bul elderdegi musylmandarǵa degen óshpendilik memlekettik deńgeıde qoldaý taýyp otyr. Túrkıa prezıdenti Rejep Taıyp Erdoǵan osylaı dep málimdedi. Bul týraly Anadolý agenttigi habarlady.

– Eýropa halqy ksenofobıalarymen kúresýdiń ornyna, qatelikterin halyqtan jasyryp álek. Munysymen olar tek ózderiniń jaǵdaıyn ýshyqtyryp jatyr, – dedi Erdoǵan Ankarada sóılegen sózinde.

Osy oraıda Fransıa prezıdenti Emmanýel Makronnyń musylmandar men ıslamǵa qatysty aıtqan "ótkir" pikirin  mysalǵa aldy. Túrik kóshbasshysynyń aıtýynsha, Fransıa prezıdenti radıkalızmmen kúresýge múldem umtylmaıdy jáne totalıtarlyq rejımniń negizin qalaýǵa tyrysady.

Erdoǵan Makronǵa ózi bilmeıtin taqyryptarǵa qatysty málimdeme jasar aldynda abaı bolýy kerektigin  aıtty.

Keıbir ashyq aqparat kózderine súıensek, Makron  barlyq musylmandardy  óz elinen qýyp jiberetinin málimdegen kórinedi. 

– Men sporttyq klýbtardy radıkaldy ıslamızmdi úıretetin orynǵa aınalmas úshin olardy muqıat baqylap otyrýdy josparlap otyrmyn. Imamdarǵa vıza berý toqtatylýy kerek. Endi meshitterdi men qarjylandyrmaımyn, – dedi Makron BBC arnasyna bergen suhbatta.