Qazaqstannyń premer-mınıstri Asqar Mamın Máskeý qalasyna jumys sapary aıasynda Reseı úkimetiniń tóraǵasy Mıhaıl  Mıshýstınmen kelissóz júrgizdi. Bul týraly primeminister.kz habarlady. 

Taraptar saýda-ekonomıkalyq, qarjy-ınvestısıalyq, energetıka salalaryndaǵy, sondaı-aq ónerkásiptik kooperasıadaǵy ekijaqty yntymaqtastyqty odan ári arttyrý máselesin talqylady.

Sondaı-aq Eýrazıalyq ekonomıkalyq odaq formatyndaǵy ózara is-qımyldyń ózekti máseleleri qaraldy.  COVID-19 indetiniń taralýyna qarsy kúres jáne eki eldiń ekonomıkasy úshin pandemıanyń saldaryn joıý jónindegi birlesken sharalarǵa erekshe kóńil bólindi.

A. Mamınniń Reseıdiń ortalyq memlekettik organdarynyń, memlekettik korporasıalary men qarjy-bank qurylymdarynyń basshylyǵymen Máskede kezdesýleri josparlanǵan.