Qazaqstan prezıdenti Qasym-Jomart Toqaev pen Ózbekstan prezıdenti Shavkat Mırzıóevpen telefon arqyly sóılesti. Bul týraly akorda.kz habarlady. 

Qazaqstan men Ózbekstan prezıdentteri kópǵasyrlyq ajyramas dostyq pen tatý kórshilikke, ózara senim men strategıalyq seriktestik qaǵıdatyna negizdelgen ekijaqty qatynastardyń qazirgi ahýaly men ony ári qaraı damytýdyń perspektıvalaryn talqylady.

Qasym-Jomart Toqaev pen Shavkat Mırzıóev ózara yqpaldastyqtyń joǵary deńgeıin jáne koronavırýs indetiniń saldaryn tezirek eńserý maqsatynda eki el úkimetteriniń arasyndaǵy tájirıbe almasýdy erekshe atap ótti.

Áńgimelesý barysynda taýar aınalymyn arttyrýǵa, bıznes pen aımaqtyq deńgeıdegi is-qımyldardy keńeıtýge, sondaı-aq, mádenı-gýmanıtarlyq baılanystardy nyǵaıtýǵa baǵyttalǵan birlesken jobalardy ilgeriletýge basa mán berildi.

Toqaev pen Mırzıóev óńirdegi jaǵdaıǵa baılanysty pikir almasty. Sondaı-aq, Qyrǵyzstandaǵy ahýal eldiń Konstıtýsıasy men zańnamalyq normalaryna sáıkes tezirek turaqtanatynyna senim bildirdi.

Qasym-Jomart Toqaev Qazaqstannyń baýyrlas qyrǵyz elimen odaqtastyq baılanystardy jáne strategıalyq seriktestikti nyǵaıtýǵa erekshe mán berip otyrǵanyn aıtty.