AQSH-tyń resmı ókili Tegeran Taıaý Shyǵystaǵy amerıkalyq kúshterge nemese Vashıngtonnyń odaqtastaryna shabýyl jasaýdy josparlaýy múmkin ekenin málimdedi.

Pentagon sheneýnikteriniń aıtýynsha, 3 qańtarda Iran general Kasem Soleımanıdi eske almaq.

Aty-jónin aıtpaýdy ótingen AQSH sheneýnigi Irannyń "nıetin bilý qıyn jáne keıde aldyn ala boljaýǵa kelmeıtinin" moıyndady.

"Biraq kórsetkishter baıypty túrde qabyldanýda" dedi resmı ókil. Ol taǵy Kassem Soleımanı óltirilgenine bir jyl tolýǵa sanaýly kúnder qalǵanyn eskertti.

Soleımanı 2020 jyly 3 qańtarda amerıka kúshteriniń drondarmen shabýyly kezinde qaza tapty. Birneshe kúnnen keıin jaýap retinde Tegeran Iraktaǵy AQSH kúshterin zymyrandarmen atqylady.

Kudys kúshteriniń komandıri general-maıor Kasem Soleımanıdiń óltirilýi Vashıngton-Tegeran arasyndaǵy qysymdy kúsheıtip, janjaldyń paıda bolý úreıin týdyrdy.