«Anyq býhgalterıany engizý jobasynyń maqsaty bilim berý salasyn qarjylandyrýdyń ashyqtyǵyn, aıqyndyǵyn jáne tıimdiligin qamtamasyz etý bolyp tabylady», – dep túsindirdi QR Bilim jáne ǵylym mınıstri Asqat Aımaǵambetov.

Býhgalterıany, esepke alýdy, kadr jumysyn jáne shyǵystardy josparlaýdy avtomattandyrý sybaılas jemqorlyq táýekelderin tómendetýge jáne shyǵystardyń tıimdiligin arttyrýǵa múmkindik beredi. Bilim jáne ǵylym mınıstrligi býhgalterıany, esepke alý men kadrlardy jan basyna qarjylandyrý jáne sıfrlandyrý tetikterin engizýge bastamashylyq jasady. Bul joba Nur-Sultan qalasynyń jáne Pavlodar oblysynyń bilim berý uıymdarynda synaqtan oıdaǵydaı ótti. Júrgizilgen pılottyq jobanyń nátıjesinde elordada ǵana birneshe mlrd teńge únemdelip, bilim berý uıymdarynyń qarjy qyzmetiniń jumysy jaqsardy. Býhgalterlik jáne salyqtyq esepke alý kezinde buzýshylyqtar sany edáýir qysqardy, baqylanbaıtyn shyǵystar táýekeli barynsha azaıtyldy.

Joba bizge jalaqyny durys eseptemeý, qarjylyq buzýshylyqtar, josparlaý, qarjylandyrý kezindegi sýbektıvızm sıaqty problemalardy sheshýge kómektesedi jáne bilim berý mekemeleriniń qarjylyq jaǵdaıyna jedel monıtorıń júrgizýdi qamtamasyz etedi.

Mınıstr túsindirgendeı, býhgalterıanyń ózinen basqa búdjetti josparlaý, memlekettik satyp alý, tarıfteý jáne esepke alý prosesteri de avtomattandyrylady. Bul joba – bilim berýge jumsalatyn qarajatty paıdalanýdyń ashyqtyǵy men tıimdiligin baqylaýǵa jasalǵan taǵy bir qadam.

Derekkóz: bilim berý jáne ǵylym mınıstrliginiń blogy