Almatydaǵy Alǵabas jańa shaǵyn aýdanynyń qurylysynda adam qaldyqtary tabylǵany jóninde "31 arnanyń" jańalyqtar qyzmeti málimdedi.  Qoǵam belsendileri bul qaldyqtar 1986 jylǵy kóterilis qurbandaryniki bolýy múmkin degendi alǵa tartady.

"Jeltoqsan aqıqaty" qozǵalysynyń jetekshi orynbasary Beısenbaı Qusbekovtyń aıtýynsha, onda tipti, adamdardy jerlegen kezdegi kıimderi de saqtalǵan. Ol: " Men jerleý rásimderin ótkizetin búroǵa habarlasqanymda, olar tabylǵan denelerdiń bar ekendigin rastady. Meniń oıymsha, olar Jeltoqsan oqıǵasyna qatynasqan alańdaǵy kóterilisshiler. Olar  musylmandyq jolmen rásimdelip,  jerlenýi kerek. Solardyń arqasynda biz óz táýelsizdigimizdi aldyq" deıdi.

Deı turǵanmen, Almaty İİM-i mundaı boljamdy rastaı qoıǵan joq. Adam qaldyqtary tabyla salysymen, birden ony tekseriske jibergen. "Ekspertızalyq málimetter adam súıekteriniń turǵanyna 50 jyl ýaqyt bolǵanyn dáleldedi. Tergeý bastalmaı turyp, bul jerde  burynyraqta mazar bolǵany  belgili boldy" dep habarlady İİM baspasóz qyzmetiniń basshysy Saltanat Ázirbek.