Búgingi kúnge deıin Belarýs Respýblıkasy ortalyq saılaý komısıasyna el prezıdenttigine kandıdat retinde bes úmitkerdiń qujaty tapsyrylǵan. Bul týraly «Qamshy» portaly belrýsıalyq  «BELTA» telearnasyna silteme jasaı otyryp habarlaıdy.

Belorýsıalyq aqparat quraldarynyń málimetine súıensek, qazirgi tańda ortalyq saılaý komısıasynyń tirkeýine qazirgi el Prezıdenti Aleksandr Lýkashenko men qatar Tatána Korotkevıch, Sergeı Gaıdýkevıch, Nıkolaı Ýlahovıch qujattar tapsyrǵan. Sondaı-aq, qajetti 10 myń senimdi qoltańba jınaı almaǵan Vıktor Tereshenko da qujat tapsyrdy. Bul týraly www.nur.kz saıty jazǵan bolatyn.

Tirkeý kezeńine naqty tórt áleýetti kandıdat tirkelgeni qol qoıý paraǵyn tekserý nátıjelerin jarıalaǵannan keıin belgili boldy. Aleksandr Lýkashenkony qoldap qol qoıǵandardyń sany 1 753 380 (1 761 145 tapsyrylǵan), Nıkolaı Ýlahovıchti – 149 819 (159 805 tapsyrylǵan), Sergeı Gaıdýkevıchti – 139 877 (141 842 tapsyrylǵan) , Tatána Korotkevıchti – 105 278 (107 299 tapsyrylǵan) adam qoldap qol qoıǵan.

Saılaý komısıasy kelesi kezeńde joǵary memlekettik oryntaqqa úmitkerlerdi tirkeıdi, ony OSK 11 qyrkúıekte saılaý aldy úgitteý men nasıhattyń tolyq kezeńin bastaý úshin 10 qyrkúıekte ótkizýdi josparlaýda. BAQ-qa óz baǵdarlamalaryn jarıalaǵannan basqa úmitkerlerdiń 14-25 qyrkúıek aralyǵynda «Belarýs» arnasynan tegin sóz sóıleýge múmkindikteri bar. Budan basqa, úmitkerlerge jumys kúnderi 21 qyrkúıek – 2 qazan aralyǵynda radıoda sóz sóıleýge ýaqyt beriledi.

Telepikirsaıys 3 qazanda ótedi.

Belarýs elinde prezıdenttik saılaý 11 qazanǵa belgilengen.

«Qamshy» silteıdi