Reseılik Rosatom kompanıasy qaýipsizdik men ekologıalyq tazalyqqa kepildik bere otyryp, Qazaqstanda atom elektr stansıasyn salý jobasyn qolǵa alýǵa daıyn. Bul týraly Reseıdiń Qazaqstandaǵy tótenshe jáne ókiletti elshisi Alekseı Borodavkın "Komsomolskaıa pravda v Kazahstane" basylymyna bergen suhbatta aıtty.

Qazaqstan da álemdegi ózge memleketter sıaqty taza energetıkaǵa muqtaj. Atom elektr stansıalary – bul saladaǵy tıimdi sheshimderdiń biri. Elektr energıasynyń yqtımaldy tapshylyǵyn eskere otyryp, AES salý Qazaqstan úshin asa ózekti taqyrypqa aınal barady. Rosatom stansıanyń qaýipsizdigi men onyń ekologıalyq tazalyǵyna kepildik bere otyryp, osy jobany qolǵa alýǵa daıyn. Reseılik beıbit atomǵa qatysty burmalanǵan baspasózdegi fobıa shyndyqqa saı kelmeıtinin erekshe atap ótikm keledi. Reseılik atom elektr stansıalarynda qoldanylatyn eń zamanaýı tehnologıalar qurylys kezinde de, osy nysandardy paıdalaný kezinde de rısk bolmaýyn qamtamasyz etedi. Taza elektr energıasynan basqa, AES jobasy qazaqstandyq ekonomıkanyń kóptegen salalaryna serpin berip, bilikti jumys oryndaryn quryp, ıadrolyq fızıka salasyndaǵy joǵary bilim sapasyn arttyrady.

Alekseı Borodavkın sondaı-aq suhbat barysynda "Qazaqstandyqtar orys tilin meńgerý deńgeıin nyǵaıtýǵa kúsh salyp, oǵan balalaryn tereńdetip úıretkeni jón" dep málimdegen.