Jýyrda «Aq jol» fraksıasy ofshorlyq aımaqtar men sheteldik ıýrısdıksıalardan kapıtaldy qaıtarý maqsatynda raqymshylyq jarıalaýdy usyndy. Bul usynysqa jaýap bergen Premer-mınıstr Oljas Bektenov mundaı bastama eldiń qarjylyq turaqtylyǵyn arttyrýǵa yqpal etýi múmkin ekenin atap ótti, alaıda másele jan-jaqty ári muqıat taldaýdy qajet etetinin aıtty.
Onyń aıtýynsha, mundaı raqymshylyq kezinde uıymdasqan qylmys, terorızm, esirtki aınalymy sıaqty aýyr quqyqbuzýshylyqtarmen baılanysty kapıtaldardy zańdastyrýǵa jol berilmeýi tıis. Sonymen qatar, halyqaralyq kelisimder men aktıvter ornalasqan elderdiń zańnamalary da eskerilýi qajet.
Buǵan deıin 2001–2014 jyldary Qazaqstanda kapıtaldy jarıa etýdiń úsh kezeńi ótken bolatyn. Nátıjesinde búdjetke 6,7 trln teńge túsken.
